1 TAWARIKH 17:13 - KITAB NU TUMPU ALLA LELE MA'IMAI'

¹³ Aku na timbali tuumanyo ka' ia timbalimo anak-Ku momo'ane. Aku saja' mombau anu ma'ima' hi ia susumo anu jinanji'-Kumo. Anu jinanji'-Kumo sabole-bole Ku toongi, madi' susumo anu binaung-Kumo hi Saul anu madi'mo bine'an-Ku pangkat, da beleyum na timbali tomundo'.

1 TAWARIKH 17:13 ပူးပေါင်းရင်းမြစ်များ

1 TOMU-TOMUNDO' 11:36

Panyo sa'angu' na tulunan nu bansa Ku bee'mo hi ia da saja' daagi' ko samian na lee' mae i Daud posaihon-Ku aijo' na mompalentah anu saja' monsombah Aku i Yerusalem kota' anu pinile'an-Kumo tampat bau ponsomban Aku.

1 TAWARIKH 17:14

Anak nu beleyum anu momo'ane anu pinile'an-Kumo aijo' Ku potimbalimo tomundo' hi aha mian anu pinalesayamo hi beleng-Ku, ka' kalaja'an-Ku sampe toka sidu-sidutu' ka' anak makumpunyo molapi-lapis na lee'nyo na mompalentah salaku tomundo'.’ ”

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

LUKAS 1:32

Ia saidi' mae bau kasanggoan ka' osanggohi Anak nu Tumpu Allah anu Matangkas na Kuasa-Nyo. Tumpu mompotimbali Ia Tomundo, sumo i Tomundo Daud, kampue'-Nyo mae.

LUKAS 9:35

Ilapas na kundom aijo' i hongomo na lewo' notatae, “Aiyamo na Anak anu pinile'an-Kumo. O hongo na Ia!”

YOHANES 3:35

Tuuma mongkalibosi Anak-Nyo, ka' nombee'mo iwi-iwi' na kuasa hi Ia.

2 KORINTUS 6:18

Aku timbalimo Tuuma miu, ka' komiu timbalimo to ana-anak-Ku, sumo aitu na koonyo nu Tumpu Anu Matangkas na kuasanyo.”

IBRANI 1:5

Madi' toho' Tumpu notatae sumo uuka hi samian pe'e na malaikat; “Beleyumo na Anak-Ku; sinaa aiya Aku timbalimo Tuuma nu beleyum.” Ka' mule' madi' toho' Tumpu notatae sumo uuka mau mule' kona hi malaikat anu pa' iyamae, “Akumo na timbali Tuumanyo, ka' ia timbalimo Anakku.”

1 SAMUEL 15:28

Lantas notataemo na i Samuel hi ia, “Sinaa aiya Israel anu nu palentah nu belento Tomundo' bineakmo nu Tumpu ka' nu bee'mo hi mian sangga'at anu lebe ma'ima' molingkudui belento Tomundo'.