1 TAWARIKH 17:1 - KITAB NU TUMPU ALLA LELE MA'IMAI'

¹ Salatan i Tomundo' Daud tinataapmo i laigannyo nu tomundo', daagi' kino sansinaan i laganyomo na i Nabi Natan ka' notatae, “Toa, aku aiya jojoong i laigan nu tomundo', anu kau' lontio' nu Libanon na binau, padahan Peti' Palajanjian nu Tumpu ola i uno nu kemah!”

1 TAWARIKH 17:1 ပူးပေါင်းရင်းမြစ်များ

2 SAMUEL 12:1

Lapas aijo' Tumpu nonsaimo i Nabi Natan da mamba hi Daud. I Natan nambamo hi ia ka' nompoto'i, “Daagi ko mian ua'aha jojoong i sa'angu' na kota'; samian kaya ka' samian mule' kasiasi.

2 SAMUEL 12:25

Tumpu mongkalibosi anak aijo' ka' nonsaimo i Nabi Natan da mamba monsanggohi anak aijo' i Yedija, kalana Tumpu mongkalibosi ia.

2 SAMUEL 6:17

Peti' Palajanjian aijo' pino una'mo i tampatnyo anu pinotokamo i Daud i uno nu kemah. Lapas aijo' i Daud nonsombahkonmo hi Tumpu koloban anu opotunu ka' koloban paladamean.

1 TOMU-TOMUNDO' 1:23

lantas pinoto'imo hi tomundo' na kahanda' i Natan tinoka mae. I Batsyeba nosabatmo ka' i Natan ninsoopmo, lantas tinolodadupumo i ahop nu tomundo'.

1 TOMU-TOMUNDO' 1:44

I Zadok, i Natan, i Benaya ka' suludadu anu monjagai tomundo' pinalentahmo mombatuki i Salomo ka' lewa' montaligalai pinosake'mo nu aha i bagal i tomundo'.

1 TOMU-TOMUNDO' 1:8

Panyo' i Imam Zadok, i Benaya anak i Yoyada, i Nabi Natan, i Simei, i Rei, ka' suludadu anu lewa'monjagai Tomundo' Daud madi' monsangaja'i i Adonia.

1 TOMU-TOMUNDO' 8:17

Ka' mule' i Salomo notatae, “Tuumangku i Daud binatanga'mo mombau Laigan ponsomban Tumpu Allah nu Israel.

1 TAWARIKH 14:1

I Tomundo' Hiram anu i lipu' Tirus nonsaimo mae mian hi Daud ka' mule' nomboamo kau' lontio' nu Libanon ka' to tuka-tukang kau' ka' to tuka-tukang batu, nombau laigan nu tomundo'.

1 TAWARIKH 15:1

I Daud nombaumo laigan tino pia-piangkuka i kota' Daud bau kajojoongannyo, ka' nomposadiamo tampat pompo'una'an Peti' Palajanjian nu Tumpu Allah, lantas nombaumo kemah pompo'una'an Peti' aijo'.

1 TAWARIKH 16:1

Peti' Palajanjian aijo' pino'una'mo i uno nu kemah anu pinosadiamo i Daud na tampat nu Peti' aijo'. Lantas aha nonsombahkonmo hi Tumpu Allah koloban anu opotunu ka' koloban pompodame.

1 TAWARIKH 17:2

Tinaaman i Natan “Baumo iwi-iwi' na kahanda' i Tomundo' kalana Tumpu Allah montulungi belento Tomundo'.”

1 TAWARIKH 17:5

Salatanmo pe'e bansa Israel pinobebas-Kumo da bolimo nu sansala nu bansa Mesir sampe uuka aiya, ma'isa toho' Aku jinojoong i uno nu sa'angu' na laigan. Saja' Aku mamba moyaya ka' jojoong i sa'angu' na kemah.

1 TAWARIKH 22:6

I Daud nolagamo anaknyo momo'ane, i Salomo, ka' nompalentahmo ia da mombaumo Laigan nu Tumpu Allah anu osombah nu mian nu Israel.

1 TAWARIKH 22:7

Koonyo i Daud hi Salomo, “O anaku, pininmo na aku ko kahanda' mombau sa'angu' na laigan bau pongadati Tumpu Allah-ngku.

1 TAWARIKH 28:2

I Daud tinuminjomo i ahop nu aha ka' notatae, To utu-utusku sangko bansangku, potombihing mae! Pininmo na aku kino kahanda' mombau sa'angu' na laigan anu mahoson hondo da bau pompo'una'an Peti' Palajanjian nu Tumpu, da bau panintinjoan nu Tumpu Allah-nto. Aku nompotoukamo anu obau sa'angu' na laigan tampat ponsomban Ia.

1 TAWARIKH 29:29

Sisikon nu kantumuu'an i Tomundo' Daud, lengkat pe'e momonanyo sampe ia madi'mo nompalentah tinulismo i kitab Nabi Samuel, kitab Nabi Natan ka' kitab Nabi Gad.

2 TAWARIKH 1:4

(Panyo Peti' Palajanjian nu Tumpu kiijo' mae i Yerusalem i uno nu kemah anu pinotinjo i Tomundo Daud da pinompo'una'an Peti' aijo' tempo'nyo ia nolalin mae lengkat i Kiryat-Yearim.)

MAZMUR 132:5

de ma'isa pe'e mompotouka Laigan nu Tumpu i Yakub, bau kajojoongan nu Tumpu Anu Mahoson hondo.”

NOSABATMO 26:1

“Baui na Aku kemah obau sampulu' na kolongan nu lenan anu ma'ima' hondo, otonun tiba laken mobilu', mingkamumu' ka' momea'. Osuji'i na hude aijo' nu gambalan anu sumo malaekat.

YEREMIA 22:15

Potombihing mae o Tomundo' Yoyakim! De beleyum mombaumo laigan nu tomundo' kau' lontio' anu ma'ima' hondo lengkat mae i Libanon, pa' aijo' timbalimo sa'angu' na bukutinyo saba' beleyumo na tomundo' anu lebe ma'ima' molingkudui tomundo'-tomundo' sangga'at? Soba tutugi na tuuma nu beleyum: Ia nolasaimo kasanangan i uno nu kantumuu'an ka' iwi-iwi' na usahanyo ihumpaknyomo kalana ia saja' hodi' na kinyonyoa ka' mule' mongulus palakala nu mian anu kasiasi adin hondo. Memang sumo aijo' ahi' na palabuatan nu mian anu monsumbu' Tumpu.

DANIEL 4:4

Aku jojoong tumuu' kopian i uno nu laiganku ka' aku tumuu' sanang.

HAGAI 1:4

“O mian-Ku anu pinalesayamo pa' tinokamo na tempo'nyo belemiu jojoong i unonu laigan anu ma'ima' an ka' madodo, yo aijo' Laigan-Ku me susumo laigan anu na'idekmo?

HAGAI 1:9

Belemiu montaha'imani hasin nu ale' anu ugaat molabi-labi pada han anu ohumpak nu belemiu ola sangkiding hondo; oboa nu belemiu na aijo' panyo hasinnyo anu opadak nu belemiu aijo' Ku puhakonmo sahingga ola mingkot nutilahabakon nu mombun. Kadaka' Ku bau sumo aijo'? Makisudnyo aijo'mo: Kalana Laigan-Ku daagi susumo laigan anu na'idekmo sadangkan belemiu iwi-iwi' na pagala ahi' mombau laigan nu belemiu toto samian.

SISIKON NU TO RASUL-RASUL 7:46

I Daud nomposanang kinyonyoa nu Tumpu ka' ia nompoitamo hi Tumpu da ia opobee' na mombau sa'angu' na laigan ponsombaan Tumpu anu nuso-nusombah i Yakub aijo'.