1 TAWARIKH 16:4 - KITAB NU TUMPU ALLA LELE MA'IMAI'

⁴ I Daud nohangkatmo tino pia-piangkuka na mian nu aha Lewi anu mongatun mosia na monsombah Tumpu, Tumpu Allah nu Israel, i ahop nu Peti' Palajanjian aijo', ka' monyanyiakon ka' mompuji-puji'.

1 TAWARIKH 16:4 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

KAJADIAN 33:20

Lapas aijo' ia nompotinjomo mezbah ikiijo' ka' sinanggohannyomo “El, Tumpu Allah nu aha Israel”.

1 TOMU-TOMUNDO' 8:15

Ia notatae, “Naipuan mae Tumpu nojanji'mo hi tuumangku i Daud, sumo uuka, 'Saltanmo pe'e Aku nomboa mian anu pinalesayamo hi beleng-Ku nosabat mae i Mesir, songko-songko na lipu' nu Israel mae pe'e sa'angu' na kota madi' ko anu pinile'an-Ku da timbali tampat pombauan laigan bau ponsomban Aku. Panyo beleyum Daud pinile'an-Kumo da mompalentah mian anu pinalesayamo hi beleng-Ku.' O Puji' na Tumpu Allah Israel anu nongganapimo janji'-Nyo aijo'!”

1 TAWARIKH 15:16

I Daud suele nompokaumo to kapa-kapalanyo, aha to mia-mian nu Lewi haha aijo' da montiju' to pia-piangkuka na mian anu aijo' hi tulunan nu bansa mae nu aha da manyanyi ka' mongkuti' kasapi ka' simbal anu eloknyo mompolame' hondo.

1 TAWARIKH 16:3

lantas binagi-baginyomo na anu o kaan hi aha iwi-iwi'. Toto samian na anu i kiijo' maumo mo'ane kabai maumo boune nohumpak sampadot na ponoha' anu tinunuan, roti ka' kukis kismis.

1 TAWARIKH 16:5

I Asaf pinile'anmo salaku kapalanyo ka' i Zakharia na wakinnyo. I Yeiel, i Semiramot, i Yehiel, i Matica, i Eliab, i Benaya, i Obed-Edom tiba i Yeiel, kalajanyo nu aha mongkuti' kasapi, i Asaf kalajanyo mompopahaik simbal,

1 TAWARIKH 16:8

Montalimah kase hi Tumpu, bebakon na katalasanggoan-Nyo, osisikakon apaa na anu binau-Nyomo hi to bansa-bansa.

1 TAWARIKH 25:1

Anu mongatun de monsombahmo Tumpu, i Tomundo' Daud ka' to pola-polaya' nu aha mian nu Lewi nompile'imo sa'anakan mae i Lewi aijo'mo: i Asaf, i Heman, tiba i Yedutun. Aha binee'an kalaja mompotoka potuunon nu Tumpu Allah ka' okuti'akon kasapi', gambus ka' simbal. Anu molaya' aha de monsombahmo Tumpu ka' mosia na atulannyo toto sangahan pinile'anmo ka' tinompu-tompukmo na mian sumo uuka:

1 TAWARIKH 6:31

Salatanmo pe'e Peti' Palajanjian i lalinmo i tampat ponsomban Tumpu i Yerusalem, i Tomundo' Daud nompile'imo to mia-mian anu mompangakui lewa' manyanyi bau pompuji-puji' Tumpu i Laigan nu Tumpu.

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

MAZMUR 103:2

O, puji' na Tumpu, o santuu'ku boli okolilimi na kanonongan-Nyo iwi-iwi'!

MAZMUR 105:5

O, lee' mae i Abraham, posaihonnyo, ka' lee' mae i Yakub, mian anu pinile'an-Nyomo, boli okolilimi na anu binaunyomo iwi-iwi' apaa na anu nompobangangmo mian, sabole-boleh o'inau' apaa na anu tinantu kan-Nyomo.

MAZMUR 106:48

O puji' na Tumpu, Tumpu nu aha Israel, uuka aiya sampe toka sidu-sidutu'. Da' iwi-iwi' na mian montaloakon, “Amin!” O puji' na Tumpu!

MAZMUR 37:1

Mazmur i Daud. Boli bata-bata kalana palabuatan nu mian anu ma'idek na kinyonyoanyo boli pusa hi mian anu nombaumo palabuatan anu sala'.

MAZMUR 70:1

Anu mongkapalai panyanyi. Nyanyian i Daud tempo'nyo nonsombahkonmo koloban monginau' apa-apaa na balakat nu Tumpu anu binee'Nyomo mae.

MAZMUR 72:18

Opuji' na Tumpu, Tumpu nu aha Israel! Ola Ia na timbali mombau han anu okabangangi.