1 TAWARIKH 16:38 - KITAB NU TUMPU ALLA LELE MA'IMAI'

³⁸ anu montulungi i Obed-Edom anak i Yedutun tiba aha 68 na mian sangga'at anu bubuu' mae aha sa'anakan tiba ia. I Obed-Edom ka' i Hosa, aijo'mo na ponjaga sabatan toto daka-daka' haha aijo'.

1 TAWARIKH 16:38 ပူးပေါင်းရင်းမြစ်များ

2 SAMUEL 6:10

Kalana aijo' ia madi'mo nongka'oho' nomboa Peti' Palajanjian aijo' oboa i Yerusalem, panyo pino una'nyomo hi laigan i Obed-Edom mian nu Gat.

2 TOMU-TOMUNDO' 7:10

Kalana aijo' aha ninsusule'mo namba i Samaria ka' nompoto'i hi mian anu monjagai sabatan daka' nu kota'; “Kami nambamo i kemah nu aha mian Siria, ka' tinokan mami madi'mo ko miannyo i kiijo' mae. Ajahan ka' keledai nu aha tinokan mami dagi' sego-segot, i tampatnyo, ka' kemah nu aha iwi-iwi' pinojohokmo nu aha ka' pinala'ianmo nu aha.”

1 TAWARIKH 13:14

Peti' aijo' pinojoong i kiijo' tinotolu' na bitu'on na kinopinnyo, sahingga binalakatanmo nu Tumpu na i Obed-Edom ka' iwi-iwi' na anu daagi' hi ia.

1 TAWARIKH 25:3

Aha anom na anak mo'ane i Yedutun: i Gedalya, i Zeri, i Yesaya i Simei, i Hasabya tiba i Matica. Polaya' nu aha aijo'mo tuuma nu aha, aha mompotoka potuunon nu Tumpu okuti'akon kasapi ka' onyanyiakon nu aha nu nyanyian pompuji' Tumpu ka' pontalima kase hi Tumpu.

1 TAWARIKH 26:10

Anu nolengkat mae hi aha sa'anakan i Merari tiniju' aijo'mo i Hosa. Ia kino anak mo'ane aha opat: i Simri (ia misa' anak tumpe panyo i hangkatmo nu tuumanyo binau polaya').