1 TAWARIKH 16:36 - KITAB NU TUMPU ALLA LELE MA'IMAI'

³⁶ O Puji' na Tumpu, Tumpu Allah nu Israel, uuka aiya ka' sampe toka sidu-sidutu'! Lapas aijo' iwi-iwi' na mian nu Israel notataemo, “Amin”, lantas aha nompuji'mo Tumpu.

1 TAWARIKH 16:36 ပူးပေါင်းရင်းမြစ်များ

1 TOMU-TOMUNDO' 8:15

Ia notatae, “Naipuan mae Tumpu nojanji'mo hi tuumangku i Daud, sumo uuka, 'Saltanmo pe'e Aku nomboa mian anu pinalesayamo hi beleng-Ku nosabat mae i Mesir, songko-songko na lipu' nu Israel mae pe'e sa'angu' na kota madi' ko anu pinile'an-Ku da timbali tampat pombauan laigan bau ponsomban Aku. Panyo beleyum Daud pinile'an-Kumo da mompalentah mian anu pinalesayamo hi beleng-Ku.' O Puji' na Tumpu Allah Israel anu nongganapimo janji'-Nyo aijo'!”

1 TOMU-TOMUNDO' 8:56

“O puji' na Tumpu anu nombee'imo mae ka'amanan hi mian anu pinalesayamo hi ia susumo anu jinanji'-Nyomo hi Musa posaihon-Nyo. Iwi-iwi' na anu ma'ima' anu jinanji'-Nyomo ginanapan-Nyomo.

NEHEMIA 8:6

I Ezra notataemo, “O puji' na Tumpu, Tumpu Allah anu talasanggo!” Iwi-iwi' na mian da'isan nohangkatmo tangka-tangkas lima nu aha ka' nontaami, “Totu-totu'u na kinyonyoangku, totu-totu'u na kinyonyoangku!” Lantas aha tinolodadupumo nonsombah Tumpu Allah.

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

MAZMUR 106:47

Posalamatakon mae na kami, O, Tumpu mami, po'ule' mae posihuk na kami anu noga'a-ga'atmo hi to bansa-bansa sangga'at, da kami montalima kasemo ka' mompuji'mo sanggo nu Belento anu susi' hondo.

MAZMUR 106:48

O puji' na Tumpu, Tumpu nu aha Israel, uuka aiya sampe toka sidu-sidutu'. Da' iwi-iwi' na mian montaloakon, “Amin!” O puji' na Tumpu!

YEREMIA 28:6

“Ma'ima'mo! O'amalakon da apaa na anu kinila-kilamo nu beleyum aijo' ko bukutinyo ahi' ka' Tumpu totu-totu'u ahi' po ule'mo monsule'akon mae lengkat i Babel balang haha aijo' anu memang ahi' balang nu Laigan nu Tumpu tibamo aha mian iwi-iwi' anu binoamo kiijo' mae.

1 KORINTUS 14:16

Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.