1 TAWARIKH 16:35 - KITAB NU TUMPU ALLA LELE MA'IMAI'

³⁵ Taloakon mae “O Tumpu Allah, anu momposalamat kami, posalamatakon mae na kami da bolimo nu kuasai nu to bansa-bansa, ka' po'ule'mo posihuk na kami da kami timbali montalima kase ka' mompuji' sanggo nu belento anu susi'!”

1 TAWARIKH 16:35 ပူးပေါင်းရင်းမြစ်များ

MAZMUR 105:45

da mian anu palesayamo hi Ia aijo', tulu-tulutan hi atulan-Nyo iwi-iwi', ka' montulutimo iwi-iwi' na palentah-Nyo. O puji' na Tumpu!

MAZMUR 14:7

O'amalakon da lengkat mae kiita' i Sion tokamo mae na kasalamatan nu aha Israel! Sahingga lee' mae i Yakub lame'mo de nu po ule'mo nu Tumpu na kantumuu'an nu mian anu palesayamo hi Ia susumo naipuan mae.

MAZMUR 44:8

Panyo Belento na nomposalamatmo mae kami da madi' pinatean nu anu mongewa mae kami. Ka' nompatundu'mo to mia-mian anu mongka'ideki mae kami.

MAZMUR 53:6

Mian anu ma'idek na kinyonyoanyo talalo ahi' mabuhuk, padahan madi' ko anu mompopobuhuk, kalana Tumpu mompotanatamo buku nu mian anu montumbuhimo belemiu; aha madi'mo tinalima nu Tumpu, jadi' opatundu'mo nu belemiu na aha.

YESAYA 43:21

Ahamo na bansa anu pinojading-Kumo da mombau anu Ku palentahkon, da timbali mombebakon anu bau pompuji' Aku.”

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

SISIKON NU TO RASUL-RASUL 26:17

Ku ga'atakon na beleyum i bansa Israel ka' bansa-bansa sangga'at anu misa' Yahudi. Ku pokaumo na beleyum mamba hi aha da mompojingka mata nu aha,

1 KORINTUS 1:31

Jadi, sumo anu tinulismo i uno nu Kitab nu Tumpu, “Mian anu mongka'oho' mombubuulakon, ola ahi' mombuulakon apaa na anu binaumo nu Tumpu.”

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

PO'ULE' INGULIT 30:3

saba' Tumpu Allah nu belemiu mongkalibosimo belemiu. Belemiu po'ule'mo osule'akon mompala'i bansa-bansa anu pinongga'a-ga'atakonan-Nyomo belemiu, ka' po'ule'mo mongoa'i kasanangan.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.