1 TAWARIKH 16:30 - KITAB NU TUMPU ALLA LELE MA'IMAI'

³⁰ Langkakatan i ahop-Nyo, o dunia songko-songko! Tano' mahoson madi' opoko ala ogegut.

1 TAWARIKH 16:30 ပူးပေါင်းရင်းမြစ်များ

1 TAWARIKH 16:23

O sombahkon na nyanyian hi Tumpu, o dunia songko-songko sansina-sinaa bebakon na lele anu mompolame' saba' Ia nomposalamatmo kita.

1 TAWARIKH 16:25

Kalana Tumpu daka' na kuasa-Nyo ka' talalo hondo o puji'; Ia tionyo ahi' okabuhuk hondo sahanyo pilogot na boli okabuhuk.

1 TAWARIKH 16:29

O puji' na sanggo-Nyo anu talasanggo ka' oboa na koloban i uno nu laigan-Nyo. Osombah na Tumpu, ka' opusok ahi' na baju' anu opusok de monsombahmo.

1 TAWARIKH 16:31

O Langit ka' tano', balame-lame'mo! Bebakon hi to bansa-bansa poto'i Tumpu aijo' Tomundo'!

MAZMUR 33:9

Kalana Ia notatae, lantas iwi-iwi' pinotimbalimo Ia nompalentahmo, sahingga iwi-iwi' daagi'mo.

MAZMUR 76:8

Totu-totu'u Belento okabuhuk hondo. De Belento motambuha'mo, ihe na moko ala mongahopi?

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

MAZMUR 96:9

Osombah na Tumpu, mompusok baju' anu opake de monsombah mo Ia! Langkakatanmo i ahop-Nyo, o dunia songko-songko!

MAZMUR 99:1

Tumpu aijo'mo na Tomundo'; to bansa-bansa langkakatan. Ia sumuhang aita' i to mala-malaekat, dunia gayu'an.

YESAYA 49:8

Tumpu notataemo hi mian anu palesayamo hi Ia, “De Aku situjumo, Aku montaamimo; de tokamo isinaanyo nu Aku momposalamatmo, Aku montulungimo belemiu. Belemiu Ku lindungimo ka' Kujagaimo, ka' Ku potimbalimo palajanjian hi to bansa-bansa. Po ule'mo Ku bau na lipu' anu iliingmo hondo timbalimo tano' pusaka' anu ojojoongimo.

YEREMIA 10:12

Tumpu nompotimbalimo tano' kalana kakuasa'an-Nyo, nombontukmo dunia kalana kapandean-Nyo ka' nombokamo langit kalana suele kapandean-Nyo.

KOLOSE 1:17

Ma'isa pe'e iwi-iwi na apaa daagi', i Kristus momonanyo polo-polo'mo daagi'. Ka' kalana Ia ahi', sahingga iwi-iwi na apaa tinondaagi'mo i posi-posi tampatnyo.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”