1 TAWARIKH 15:29 - KITAB NU TUMPU ALLA LELE MA'IMAI'

²⁹ Salatan Peti' aijo' hau-haunyomo ninsoopmo nokiijo' i kota' i Mikhal anak langkoyang i Saul nonsiligimo aijo' mae i tolongan ka' nontoamo i Tomundo' Daud lewa' monsalelei ka' talalomo hondo i lame'. Sahingga i Mikhal nompai to uw'amo na nontoa i Daud.

1 TAWARIKH 15:29 ပူးပေါင်းရင်းမြစ်များ

2 SAMUEL 6:16

Salatan Peti' aijo' hau-haunyomo minsoop i kota' i Mikhal anak boune i Saul nontoamo mae itolongan ka' nontoamo i Tomundo' Daud nahalumpatanmo na nonsalelei salaku bau pongadatinyo TUMPU, i Mikhal nompai nolua'imo na nontoa i Daud.

1 TAWARIKH 15:28

Iwi-iwi' na mian nu Israel namba nontuntuni Peti' Palajanjian aijo' tinoka-toka i Yerusalem ka' lewa' nontaligalai lame-lame', onyi' nu tolompet, napiri, simbal ka' kasapi'.

1 TAWARIKH 17:1

Salatan i Tomundo' Daud tinataapmo i laigannyo nu tomundo', daagi' kino sansinaan i laganyomo na i Nabi Natan ka' notatae, “Toa, aku aiya jojoong i laigan nu tomundo', anu kau' lontio' nu Libanon na binau, padahan Peti' Palajanjian nu Tumpu ola i uno nu kemah!”

MAZMUR 149:3

Opuji' na sanggo-Nyo ka' ponsalelei, opuji' na Ia ka' okuti'akon kasapi' ka' ohapa'i na gandang!

MAZMUR 150:4

Opuji' na Ia nu gandang ka' osalelei, opuji' na Ia nu kasapi' tiba puloit.

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

NOSABATMO 15:20

Lantas i Miryam samian na nabi boune, utus tu'a i Harun, nongalamo gandangnyo ka' iwi-iwi' na boune suele nohapa'imo gandangnyo nu aha ka' nonsaleleimo.

ANU MOMPOLELE POTATAE NU TUMPU 3:4

Tumpu na nontantukan tempo'nyo da humang ka' tempo'nyo kumojo, tempo'nyo da montando'i ka' tempo'nyo monsalelei.

YEREMIA 3:16

Lantas de belemiu mompaka panjoo'mo ilipu' aiya, mian madi'mo daagi' mombisalakon Peti' Palajanjian-Ku. Aha madi'mo daagi' mompopikilakon kabai daagi' monginau', pakalaus aha madi'mo daagi' mompalalui ia kabai mombaumo Peti' Palajanjian sangga'at.

YEREMIA 30:19

Mian anu jojoong ikiijo' mompuji'mo mae Aku nu nyanyian ka' montaligalaimo kalana lame'mo Ku pojadimo na aha da oholomati ka' madi'mo daagi sola' o'alu ka' konjoo'nyo nu aha mompaka pintuangmo.

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

NOMBILANGMO 10:33

Salatan aha bansa Israel nompala'imo Sinai, bungkutnyo kajojoongan nu Tumpu, aha i lumajang kopinnyo tinolun sinaa. Peti' Palajanjian nu Tumpu saja' oboa mamba momona da aha molio tampat bau pompotinjoan kemah nu aha.

SISIKON NU TO RASUL-RASUL 2:13

Panyo daagi' mule' ko to mia-mian anu mongalu. Aha notatae, “Ah, to mia-mian haha aiya ola ahi' malangu!”

1 KORINTUS 2:14

Mian anu madi' ko Roh nu Tumpu, madi' moko talima apaa na anu pinonyata'mo nu Roh aijo'. Kalana kona hi mian aijo' hahan anu sinanggomo aijo' sumo ola kaponga'an. Mian aijo' madi' moko ala monsumbu', kalana han aijo' ola opoko ala oselidiki de palesaya.

2 KORINTUS 5:13

De kami memang otoa notutuangmo, aijo' kalana mombau kapentingan nu Tumpu. Ka' de kami otoa sinsumbu', aijo' kalana mombau kapentingan miu.

PO'ULE' INGULIT 31:26

“Alamo na kitab nu Atulan nu Tumpu Allah aiya, ka' po'una' i sohipi'nyo nu Peti' Palajanjian nu Tumpu Allah nu belemiu, da saja' sabole-bole ikiijo' bau salaku pomponyata' hi bansa aijo',

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.

YOSUA 4:7

tionyo ahi' opoto'i nu belemiu hi aha taalu' Kaunyo nu Yordan madi'mo no'ili tempo'nyo Peti' Palajanjian nu Tumpu tinaapakonmo i kaunyo aijo'. Batu haha aijo' bau tanda da saja' monginau' na bansa Israel apaa na anu jinadimo i aiya.”

TO MIA-MIAN KOPIAN 20:27

Tempo'nyo aitu Peti' Palajanjian nu Tumpu Allah kiijo' i Betel, ka' i Pinehas, anak i Eleazar, makumpu i Harun, na mokalaja salaku imam. Sahingga aha mian nu Israel nompokilawamo hi Tumpu, “O Tumpu, pa' tionyo ahi' kami daagi' mamba mompahampateakon to utu-utus mami mian nu Benyamin haha aijo', kabai pa' madi'mo kami aiya mamba mahampate?” Tumpu nontaami, “Tumbuhimo na aha! Dodop Ku bee'imo ka'untungan mahampate na belemiu.”

1 SAMUEL 25:44

Tempo'nyo aitu i Saul nompo osoakonmo i Mikhal anaknyo boune, u'utu mae boune aijo' bengkele' i Daud pino osoakonnyomo tiba i Palti anak i Lais anu lengkat mae i kota' Galim.

1 SAMUEL 4:3

Salatan tuha' nu suludadu anu nahungku'mo ninsusule'mo i kemah nu aha, to pola-polaya' nu aha Israel notataemo, “Kadaka' Tumpu nompojohokmo kita da ihungku'anmo nu mian Filistin sinaa aiya? Imbo' da mamba o'alanto na Peti' Palajanjian nu Tumpu kiijo' mae i Silo, da oboantomo mae da nu tulungi nu Tumpu na kita ka' oposalamatmo na kita madi'mo nupatei nu sampo bali'.”