1 TAWARIKH 15:28 - KITAB NU TUMPU ALLA LELE MA'IMAI'

²⁸ Iwi-iwi' na mian nu Israel namba nontuntuni Peti' Palajanjian aijo' tinoka-toka i Yerusalem ka' lewa' nontaligalai lame-lame', onyi' nu tolompet, napiri, simbal ka' kasapi'.

1 TAWARIKH 15:28 ပူးပေါင်းရင်းမြစ်များ

1 TAWARIKH 13:8

Lantas i Daud ka' iwi-iwi' na bansa Israel lewa'mo nonsalelei ka' lewa'mo nonyanyi lame-lame' hondo bau pompodaka' Tumpu Allah ka' lewa'mo nongkuti' kasapi', nohapa'i labana, simbal, ka' lewa'mo nompuuhi tolompet.

1 TAWARIKH 15:16

I Daud suele nompokaumo to kapa-kapalanyo, aha to mia-mian nu Lewi haha aijo' da montiju' to pia-piangkuka na mian anu aijo' hi tulunan nu bansa mae nu aha da manyanyi ka' mongkuti' kasapi ka' simbal anu eloknyo mompolame' hondo.

MAZMUR 68:25

Iwi-iwi' montoamo Belento balondamo ka' binilahimo, o, Tumpu kalana inguntungmo na nahampate, Tumpu-ngku, Tomundo'ku, tinuntunanmo ka' binilahimo na to mia-mian namba i tampat kajojoongan-Nyo.

2 SAMUEL 6:15

Sumo aijo' na i Daud tiba aha mian da'isan iwi-iwi' Israel nolalin Peti' Palajanjian namba i Yerusalem lewa' ingaisan ka' nontaligalai ka' lewa'mo nompuuhi tolompet.

2 SAMUEL 6:5

I Daud tiba aha iwi-iwi' na bansa Israel na ilumajang aita momona, ka' jinukutmo hondo na aha lewa' nonsalelei ka' lewa' nonyanyiakon salaku bau pongadati Tumpu. Aha lewa'mo nongkuti' kasapi', gambus, gandang, nompo onyi' dio-dio, simbal.

1 TAWARIKH 15:27

Tempo'nyo aitu i Daud nompusok jubah hude Lenan anu ma'ima' hondo na kina'ut, sumo aitu mule' an aha anu mahaik musik ka' i Kenanya kapala nu aha ka' aha to mia-mian nu Lewi anu nonsimbu Peti' Palajanjian aijo'. I Daud suele nompusok baju' efod.

1 TAWARIKH 15:29

Salatan Peti' aijo' hau-haunyomo ninsoopmo nokiijo' i kota' i Mikhal anak langkoyang i Saul nonsiligimo aijo' mae i tolongan ka' nontoamo i Tomundo' Daud lewa' monsalelei ka' talalomo hondo i lame'. Sahingga i Mikhal nompai to uw'amo na nontoa i Daud.

NEHEMIA 12:27

Salatan pagan mesen nu kota' kahanda'mo olame'akon, to mia-mian nu Lewi pinahalagamo na aha anu jojoong pa' iyaya mae da hingga-hinggat molame'akon lamean aijo' ka' monyanyiakon bau pontalima kase ka' mule' musik gambus ka' kasapi.

1 TAWARIKH 25:1

Anu mongatun de monsombahmo Tumpu, i Tomundo' Daud ka' to pola-polaya' nu aha mian nu Lewi nompile'imo sa'anakan mae i Lewi aijo'mo: i Asaf, i Heman, tiba i Yedutun. Aha binee'an kalaja mompotoka potuunon nu Tumpu Allah ka' okuti'akon kasapi', gambus ka' simbal. Anu molaya' aha de monsombahmo Tumpu ka' mosia na atulannyo toto sangahan pinile'anmo ka' tinompu-tompukmo na mian sumo uuka:

MAZMUR 47:6

Tumpu noliba'mo nokiita' ikasuhangan-Nyo, ka' mian sola'mo nontaligalai ka' sangkakala opo onyi'mo.