1 TAWARIKH 15:2 - KITAB NU TUMPU ALLA LELE MA'IMAI'

² I Daud notatae “Ola mian nu Lewi na timbali mohangkat Peti' Palajanjian nu Tumpu, kalana ahamo na anu pinile'an nu Tumpu monsimbu Peti' aijo' ka' mongkalesang sampe toka sidu-sidutu'.”

1 TAWARIKH 15:2 ပူးပေါင်းရင်းမြစ်များ

2 SAMUEL 6:13

Salatan anu nohangkat Peti' Palajanjian aijo' ilumajangmo salaje' anolangkas pinoto'imo i Daud da bolimo pe'e lumajang. Lantas ia nonsombahkonmo koloban hi Tumpu, te sapi' lakinyo ka' anak nu sapi' anu pinilompo'anmo.

2 TAWARIKH 35:3

To mia-mian nu Lewi anu binee'anmo kalaja samata-mata mombau anu nu palentahkon nu Tumpu, ka' anu tinimbalimo to gulu-gulu' nu aha Israel nohumpak palentah sumo uuka hi Yosia, “Po'una' na Peti' palajanjian nu Tumpu anu susi' aijo' i Laigan nu Tumpu anu binaumo i Tomundo Salomo anak i Daud anu momo'ane. Madi'mo daagi' timbali lewa' olali-lalin nu belemiu. Obau apaa na anu nu palentahkon nu Tumpu Allah nu belemiu ka' bansa Israel mian anu pinalesayamo hi Ia.

NOSABATMO 25:14

lantas posoopmo na kau' polembanan aijo' i pasinsingnyo poti-potimbiha' i peti' aijo'.

YESAYA 66:21

Sambagian na aijo' aha Ku pojadimo imam tiba mian nu Lewi.

NOMBILANGMO 3:6

“Pokau mae na tulunan nu bansa Lewi mamba mae mangadap, ka' hangkat na aha da timbali posaihon i Harun.

NOMBILANGMO 3:9

Aha bansa Israel, ola tulunan nu bansa Lewi na Ku pokalaja timbali posaihon anu tataap hi Harun ka' to le-lee'nyo.

NOMBILANGMO 7:9

Panyo aha mian nu Kehat madi' nohumpak kaleta kabai sapi' hi Musa, kalana to bala-balang anu susi', ahamo na binee'an pakalaja'an, ka' tionyo ahi' nu lemban nu aha.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

PO'ULE' INGULIT 31:9

Lantas i Musa nontulismo atulan nu Tumpu Allah ka' binee'nyomo hi to ima-imam nu aha Lewi anu binee'anmo kalaja da mongka'lesang Peti' Palajanjian, ka' hi to pola-polaya' nu aha Israel.

YOSUA 3:3

ka' nompalentahmo mian nu aha Israel, “De otoa nu belemiu to ima-imam molembanmo Peti' Palajanjian nu Tumpu Allah nu belemiu, belemiu suele mambamo ahi' mompala'i tampat pinombauan kemah aiya. Batuki na Peti' aijo',

YOSUA 6:6

Sahingga i lagamo i Yosua na to ima-imam, ka' notatae, “Hangkatmo na Peti' Palajanjian aijo'; aha popitu' na mian atina' hi belemiu tionyo ahi' lumajang mamba momona momboa tolompet.”