1 TAWARIKH 15:15 - KITAB NU TUMPU ALLA LELE MA'IMAI'

¹⁵ Ka' salatan Peti' aijo' i lalinmo, i hangkatmo nu aha ka' sinimbumo nu aha i kau' anu pinotoukamo susumo koonyo nu atulan anu binee'mo nu Tumpu hi Musa.

1 TAWARIKH 15:15 ပူးပေါင်းရင်းမြစ်များ

2 SAMUEL 6:12

Salatan ihongomo i Daud na i Obed-Edom ka' aha salaigan ka' mule' iwi-iwi' apaa na anu daagi hi aha, binalakatanmo nu Tumpu kalana Peti' Palajanjian pinojoongmo hi aha. Sahingga ia nambamo hi laigan i Obed-Edom nongala Peti' aijo' ka' ilalinnyomo namba i Yerusalem ka' nombaumo bau-bauon na aha nolame'akon Peti' aijo'.

2 SAMUEL 6:13

Salatan anu nohangkat Peti' Palajanjian aijo' ilumajangmo salaje' anolangkas pinoto'imo i Daud da bolimo pe'e lumajang. Lantas ia nonsombahkonmo koloban hi Tumpu, te sapi' lakinyo ka' anak nu sapi' anu pinilompo'anmo.

1 TOMU-TOMUNDO' 8:8

Kau' bau polembanan aijo' mantan hondo sahingga puusnyo kantoan i ahop nu Salipi' anu Susi' hondo. (Sampe sinaa uuka aiya kau' haha aijo' daagi' ko anu kiijo'.)

1 TAWARIKH 13:10

Panyo baloomo tinambuha'an nu Tumpu na i Uza, kalana apaa na anu binaunyomo aijo' sumomo ia nongambangimo Tumpu. Lantas i Uza pinatean-Nyomo i kiijo', sahingga mulai tempo' aitu tampat aijo' sinanggohanmo “Peres-Uza”. I Daud pinusamo kalana Tumpu nompateimo i Uza.

2 TAWARIKH 5:9

Kau' anu bau polembanan aijo' mantan hondo, sahingga puusnyo poti-potingkolong kantoan mokiijo' lengkat i ahop nu Salipi' anu Talalo Hondo Susi', panyo madi' kantoan i sambiha'nyo. (Sampe sinaa uuka aiya kau' haha aijo' daagi' kiijo').

NOSABATMO 40:20

Lapas aijo' batu ohu-ohua' aijo' pinosoopnyomo i uno nu Peti' Palajanjian. Lantas kinulubanmo i Musa na Peti' aijo', ka' pinosoopnyomo na kau' polembanan i pasinsingnyo.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

NOMBILANGMO 7:9

Panyo aha mian nu Kehat madi' nohumpak kaleta kabai sapi' hi Musa, kalana to bala-balang anu susi', ahamo na binee'an pakalaja'an, ka' tionyo ahi' nu lemban nu aha.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.