1 TAWARIKH 14:16 - KITAB NU TUMPU ALLA LELE MA'IMAI'

¹⁶ Apaa na anu pinalentahkonmo nu Tumpu Allah hi ia binaunyomo. Ia ka' suludadunyo nompototumputimo suludadu nu aha Filistin lengkat pe'e i Gibeon tinoka-toka i Gezer.

1 TAWARIKH 14:16 ပူးပေါင်းရင်းမြစ်များ

KAJADIAN 6:22

Binaumo i Nuh iwi-iwi' apaa na anu pinalentahkonmo nu Tumpu Allah hi ia.

2 SAMUEL 5:25

Jadi binaumo i Daud apaa na anu pinalentahkonmo nu Tumpu, ka' ia inguntungmo na nahampate nolaa' aha mian nu Filistin lengkat mae i Geba tinoka-toka i Gezer.

1 TAWARIKH 14:15

De beleyum mohongo onyi' susumo galupak nu mian mobalis i tuu' nu kau' haha aijo', pokiijo'imo na aha kalana Aku mambamo momona atina' i ahop nu belemiu ka' mompatundu'mo suludadu nu aha Filistin.”

1 TAWARIKH 14:17

Sahingga tinalasanggomo na sanggo i Daud iyaya mae, ka' binaumo nu Tumpu da iwi-iwi' na bansa nongkabuhukmo i Daud.

1 TAWARIKH 20:4

Madi' pinin ilapas na aijo' nahampate mule' nongewa aha mian nu Filistin kiijo' i Gerar. I sala'sa'angu na tampat anu pinahampatean aijo' i Sibhai mian nu aha Husa nompateimo samian anu daka' hondo na butongnyo sanggonyo i Sipai. Sahingga mian nu Filistin pinatundu'mo.

1 TAWARIKH 6:67

Sikhem, kota' popalaian da boli mohumpak hukuman anu i bungkutnyo nu da'erah aijo' Gezer,

YESAYA 28:21

Tumpu totinjomo mae susumo i Bungkutnyo nu Perazim. Ia mahampatemo susumo i Bangka'nyo nu Gibeon kalana mompojadimo anu kinahanda'an-Nyomo, kahanda'anu madi' minsoop ipikilan nu manusia! Ia mopojadimo kalaja-Nyo anu mompobangang hondo.

YOHANES 13:17

De osumbu'mo miu iwi-iwi' aiya, bilahi na komiu de mombau.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

YOHANES 2:5

Panyo tina i Yesus notatae hi to posa-posaihon, “Baumo pa' apaa na anu tinaloakon-Nyo hi komiu.”

YOSUA 16:10

Panyo tulunan nu bansa Efraim madi' nolaa' mian nu Kana'an i da'erah Gezer. Mokonyo aijo' sangkutnyo tempo' uuka aiya aha mian nu Kana'an daagi' kiijo' i Gezer hingga-hinggat tiba aha mian nu Efraim, panyo aha opakisa mokalaja salaku posaihon hi aha mian nu Efraim.