1 TAWARIKH 14:15 - KITAB NU TUMPU ALLA LELE MA'IMAI'

¹⁵ De beleyum mohongo onyi' susumo galupak nu mian mobalis i tuu' nu kau' haha aijo', pokiijo'imo na aha kalana Aku mambamo momona atina' i ahop nu belemiu ka' mompatundu'mo suludadu nu aha Filistin.”

1 TAWARIKH 14:15 ပူးပေါင်းရင်းမြစ်များ

2 SAMUEL 5:23

Po ule' mule' pinoita i Daud hi Tumpu pa' mosia na koo-Nyo nu Tumpu. Tinaaman nu TUMPU, “Boli montumbuhi aha lengkat i aiya, panyo lajangmo bangkualilit mae lengkat ihiku nu aha.

2 TOMU-TOMUNDO' 19:7

Nu bauje nu Tumpu hi tomundo' Asyur da mohongo sa'angu' na lele anu madi' totu'u sahingga ia ninsusule'mo i kampungnyo ka' i kiijo' mae ia opateimo.”

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

1 TAWARIKH 14:14

Po'ule' mule' i Daud nomoita pokinde' hi Tumpu Allah, lantas tinaaman nu Tumpu Allah, “Boli montumbuhi aha lengkat i aiya, panyo mamba bangkualilit mae ka' tumbuhimo na aha lengkat mae aijo' i santoanyo, koko kau' murbei haha aijo'.

1 TAWARIKH 14:16

Apaa na anu pinalentahkonmo nu Tumpu Allah hi ia binaunyomo. Ia ka' suludadunyo nompototumputimo suludadu nu aha Filistin lengkat pe'e i Gibeon tinoka-toka i Gezer.

YESAYA 13:4

Potombihing na hengge'nu mian aita' me ibungkutnyo, sumomo ahi' hengge' nu mian anu da'isan tongko'. Potombihing na kalaja'an-kalaja'an singkapmo ihengge, ka' aha bansa-bansa anu sinihukmo. Tumpu Anu Daka' na Kuasanyo nompalesamo gombuan nu suludadu anu kahanda'mo mahampate.

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

SISIKON NU TO RASUL-RASUL 2:2

Madi' pinin i hongo na onyi' nolengkat i langit sumo baleba' anu makansang. Laigan anu kinasuhangan nu to mia-mian aijo' iwi-iwi' sinongko nu onyi'nyo aijo'.

PO'ULE' INGULIT 20:4

Nusangaluije nu Tumpu Allah na belemiu ka' montulungi belemiu, ka' nu bee'je hi belemiu na ka'untungan de mahampate.’

TO MIA-MIAN KOPIAN 4:14

Lantas notataemo na i Debora hi Barak, “Donganmo, tumbuhi! Tumpu na molaya' belemiu. Sinaa aiya Ia mompo'untungmo belemiu mahampate mongewa i Sisera.” Sahingga nintatau'mo mae na i Barak lengkat mae i Bungkutnyo nu Tabor hingga-hinggat tiba aha sampulu' na madala na miannyo.

TO MIA-MIAN KOPIAN 7:15

Salatan i Gideon nohongomo anu ingipi nu mian aijo' tiba mule' alati'nyo, ia tinolodadupumo nonsombah Tumpu Allah. Lapas aijo' ia ninsusule'mo i pinombauan kemah nu aha Israel ka' notatae, “Pahapotoukamo! Tumpu mombee'imo ka'untungan mahampate mongewa suludadu nu aha Midian!”

TO MIA-MIAN KOPIAN 7:9

Pihi-pihi aitu Tumpu notataemo hi Gideon, “Pobulamo, Gideon! Lako'mo tumbuhi na kemah nu aha mian Midian. Ku bee'mo na ka'untungan mahampate hi belemiu mongewa aha.