1 TAWARIKH 14:1 - KITAB NU TUMPU ALLA LELE MA'IMAI'

¹ I Tomundo' Hiram anu i lipu' Tirus nonsaimo mae mian hi Daud ka' mule' nomboamo kau' lontio' nu Libanon ka' to tuka-tukang kau' ka' to tuka-tukang batu, nombau laigan nu tomundo'.

1 TAWARIKH 14:1 ပူးပေါင်းရင်းမြစ်များ

2 SAMUEL 7:2

Sahingga notataemo na i tomundo' hi Nabi Natan, “Soba toa aku aiya jojoong ilaigan nu tomundo, kau' lontio' i Libanon na binau, padahan Peti' Palajanjian nu Tumpu Allah ola opo una' ilaiganku!”

1 TOMU-TOMUNDO' 5:1

I Hiram, tomundo' nu aha Tirus, saja'mo no bela' tiba i Tomundo' Daud. Salatan i hongomo i Hiram na i Salomo binaumo tomundo' pinombolosi i Daud, tuumanyo ia nonsaimo mian namba hi Salomo.

1 TOMU-TOMUNDO' 5:15

I Salomo suele nompalentahmo 80.000 na mian mompa'at batu anu lengkat mae i bungkutnyo ka' 70.000 na mian anu mongato batu haha aijo'.

1 TOMU-TOMUNDO' 5:18

Sumo aijo' na to mia-mian anu mokalaja pinalentah i Salomo ka' to mia-mian anu mokalaja pinalentah i Hiram ka' suele to mia-mian anu lengkat mae i kota Gebal da montoukai batu tiba kau' da bau Laigan nu Tumpu aijo'.

1 TOMU-TOMUNDO' 5:6

Sinumbu'mo nu belento Tuan saba' mianku i aiya madi' ko anu monsumbu' monta' kau' susumo mian nu belento Tuan. Kalana aijo' ku poita de timbali da belento Tuan mompalentah to mia-mian nu belento Tuan monta'iakon mae aku kau' lontio' i Libanon. Mianku ku palentahje da montulungi aha, ka' maumo sangkuka na tambonyo anu otantukan mae nu belento Tuan, bau pontamboi mian haha aijo' ku bayanje.”

1 TAWARIKH 14:2

Kalana aijo' ingoa'anmo i Daud, taalu' totu-totu'umo ahi' na ia ingakuanmo nu Tumpu salaku tomundo' nu aha Israel ka' nompohosonmo kalaja'annyo bau kapentingan nu mian anu pinalesayamo hi Tumpu.

1 TAWARIKH 17:1

Salatan i Tomundo' Daud tinataapmo i laigannyo nu tomundo', daagi' kino sansinaan i laganyomo na i Nabi Natan ka' notatae, “Toa, aku aiya jojoong i laigan nu tomundo', anu kau' lontio' nu Libanon na binau, padahan Peti' Palajanjian nu Tumpu ola i uno nu kemah!”

1 TAWARIKH 22:2

I Tomundo' Daud nompoki posihukmo iwi-iwi' na mian anu i salipu'an mae anu jinojoongmo i lipu' Israel, lantas binee'annyomo kalaja na aha. Sambagian na aha mompa'at batu da bau Laigan nu Tumpu.

2 TAWARIKH 2:2

Kalana aijo' ia nompalentahmo aha 70.000 na mian mongato pakakas anu obau Laigan nu Tumpu, 80.000 na mian anu mompa'at batu aita' mae i bungkutnyo ka' 3.600 na madon anu monjagai kalaja aijo'.

2 TAWARIKH 2:3

I Salomo nompotuunmo tanga'annyo aijo' hi Hiram tomundo nu aha Tirus, “De timbali da belento Tuan mompaha bada-badagang tiba aku susumo tiba i Daud tuumangku. Belento Tuan nompobalukmo hi ia kau' lontio' nu Libanon anu binaunyomo laigan nu tomundo kajojoongannyo.

EZRA 3:7

Mian da'isan nombee'mo doi da bau pontamboi tukang anu mompa'at batu ka' tukang nu kau'. Aha suele nompakatumo anu okaan, anu o'inum, ka' lanya' nu zaitun binoa i kota' Tirus ka' kota' Sidon da pontolosi kau' lontio' Libanon i kota' haha aijo'. Kau' haha aijo' ingatomo binoa i Yafo montulu ambai. Iwi-iwi' aijo' kinalajamo nu mian da'isan, panyo i Kores ahi tomundo nu Persia na nompoloas.