1 TAWARIKH 13:9 - KITAB NU TUMPU ALLA LELE MA'IMAI'

⁹ Salatan aha tinokamo i pongututan gandum anu i Kidon, sapi' haha aijo' anu nohela' loda tinosumpunmo, sahingga i Uza nontoongimo Peti' Palajanjian aijo' da boli manabu'

1 TAWARIKH 13:9 ပူးပေါင်းရင်းမြစ်များ

KAJADIAN 50:10

Salatan aha tinokamo i tampat nu mian anu mongutut gandum kiijo' i Goren-Haatad, i sasu kabete'an Kaunyo nu Yordan, aha nontando'imo kalana nolibosmo hondo. I Yusuf nombaumo adat toonnyo nu mian silakamo, pinitun sinaa na kinopinnyo.

2 SAMUEL 6:6

Salatan aha tinokamo itampat pongututan gandum anu i Nakhon, sapi' haha aijo' anu mohela' kaleta aijo' tinosumpunmo lantas i Uza nontoongi Peti' Palajanjian da boli manabu'.

NOSABATMO 19:22

Ka' mule' to ima-imam anu mongka'oho' mongohani Aku, tionyo ahi' momposusi' butongnyo, de madi' aha Ku hukumo.”

NOSABATMO 19:24

Tinaaman nu Tumpu, “Pintatau'mo, ka' po'ule 'minsusule' mae i aiya tiba i Harun. Panyo to ima-imam ka' layat madi' timbali so' molanggai tempas de aha mamba mae hi beleng-Ku. De aha so' mae molanggai, aha Ku hukumo.”