1 TAWARIKH 13:5 - KITAB NU TUMPU ALLA LELE MA'IMAI'

⁵ Jadi pinosihukmo i Daud na mian da'isan nu aha Israel songko-songko na lipu', lengkat pe'e mae i potempasan tiba Mesir sasu salatan toka-toka i jalan mamba i Hamat sasu utara, da mambamo mongala Peti' Palajanjian aijo' i Kiryat-Yearim ka' oboamo mae i Yerusalem.

1 TAWARIKH 13:5 ပူးပေါင်းရင်းမြစ်များ

2 SAMUEL 6:1

Lapas aijo' ilaga mule' i Daud na to sulu-suludadunyo anu otaha imani hi aha Israel, da sihuk pe'e mae konjoo'nyo 30.000 na mian.

1 TOMU-TOMUNDO' 4:21

Toto sangauwan ko ale' nu anggur ka' ale' nu ara. Tempo'nyo i Salomo dagi' tutuu' mian da'isan i songko-songko Yehuda ka' Israel lengkat mae i Dan toka-toka i Bersyeba kantuumu'an nu aha sinanangmo ka' madi'mo ko anu mompoposia. Kalana iwi-iwi' na tomundo' i sasu kinsoban Efrat nabuhukmo hi ia ka' iwi-iwi' na bansa nu to nega-negara anu mompaha o ohani kalaja'annyo nobela'mo tiba ia. Tano' i sasu kinsoban kaunyo nu Efrat lengkat mae i Tifsah i sohipi' nu kaunyo Efrat lau-laus no kiijo' i sasu kinsoban i kota Gaza i da'erah nu aha Filistin toka-toka i pontempasan tiba Mesir, songko-songko kinuasanmo i Salomo. To bansa-bansa i lipu' aijo' nabuhukmo ka' nombayanmo hasin hi ia. Ngangahan nu anu o kaan anu nu palalui i Salomo sansina-sinaa 5.000 liter labu anu i hihikmo, 10.000 liter labu anu ma'isa i hihik, 10 na sapi' anu opangkunakon, 20 na sapi' anu o polapas i padang, ka' 100 na domba ka' sangga'at mule' jonga kijang, menjangan ka' binatang anu lumahap.

1 TOMU-TOMUNDO' 8:65

I Laigan nu Tumpu aijo' na i Salomo ka' iwi-iwi' mian nu Israel anu pinalesayamo nombau lamean Tahop o atapi nu Hon nu kau', pitunsinaa na kopinnyo. Manjoo' hondo na mian anu tinoka i kiijo' Aha tinoka lengkat mae i da'erah anu majo'on hondo montulu Jalan Hamat sasu utara tinoka-toka ipotempasan tiba Mesir sasu salatan.

2 TOMU-TOMUNDO' 25:21

i da'erah Hamat. I kiijo' mae aha sinakisamo ka' pinateanmo. Sumo aijo' na mian nu Yehuda haha aijo' binoa lengkat mae i lipu' nu aha namba i lipu' anu pinompojoongan aha.

1 TAWARIKH 13:4

Iwi-iwi' na mian nu Israel anu sihihukmo i aijo' sanang na kinyonyoa nu aha ka' sinitujumo hi anu pinoto'imo i Tomundo' Daud aijo'.

1 TAWARIKH 13:6

Lantas i Daud nambamo tiba aha i kota' Baala, aijo'mo Kiryat-Yearim, i da'erah tulunan nu bansa Yehuda mongala Peti' Palajanjian nu Tumpu Allah. Peti' aijo' sinanggohanmo “Tumpu sumuhang aita' i malaikatnyo.”

1 TAWARIKH 15:3

Sahingga i lagamo i Daud iwi-iwi' na mian nu Israel da toka mae i Yerusalem molalin Peti' Palajanjian nu Tumpu oboa i tampat anu pinosadianyomo.

YEREMIA 2:18

Apaa na untungnyo beleyum namba i Mesir? Pa' kahanda' da monginum uee nu Kaunyo Nil? Apaa na untungnyo beleyum namba i Asyur? Pa' kahanda' da monginum uee nu Kaunyo Efrat?

1 SAMUEL 6:21

Lantas aha nonsaimo mian namba hi aha mian nu Kiryat-Yearim ka' nompotun sumo uuka, “Mian nu Filistin nonsule'akonmo mae Peti' Palajanjian nu Tumpu. Tokamo mae ka' boamo na Peti' aijo' hi kajojoongan nu belemiu.”

1 SAMUEL 7:1

Sahingga mian anu jojoong i Kiryat-Yearim nongalamo Peti' Palajanjian nu Tumpu aijo' ka' binoanyomo i uno nu laigannyo nu mian anu sanggonyo i Abinadab; laigan aijo' binau aita i bawo nu bungkutnyo. Lapas aijo' nohangkatmo ka nombalakatimo i Eleazar anak i Abinadab da monjagai Peti' Palajanjian nu Tumpu aijo'.

1 SAMUEL 7:2

Pinin suele na Peti' Palajanjian nu Tumpu aijo' inguna' kiijo' i Kiryat-Yearim, kila-kila inguampulu' na taun. Tempo'nyo aijo' iwi-iwi' na aha mian nu Israel saja'mo nomoita tulung hi Tumpu.