1 TAWARIKH 13:2 - KITAB NU TUMPU ALLA LELE MA'IMAI'

² Lantas pinoto'inyomo hi aha mian iwi-iwi' haha aijo', “De to utu-utus mongka'oho' ka' mule' nu talima nu Tumpu, Tumpu Allah-nto da kita monsaimo mian mamba hi to ima-imam ka' hi to mia-mian Lewi i kampu-kampung nu aha ka' hi iwi-iwi' na bansanto sangga'at mompoto'i da aha toka mae sihuk tiba kita i aiya.

1 TAWARIKH 13:2 ပူးပေါင်းရင်းမြစ်များ

1 TOMU-TOMUNDO' 12:7

Tinaaman nu aha, “De belento Tomundo' totu'-totu'u ko kahanda' monginau' mian da'isan yo situjuimo apaa na anu nu poita nu aha, sahingga aha tulutmo hi belento Tomundo' sampe toka sidu-sidutu'.”

1 TAWARIKH 10:7

Salatan i hongomo nu mian Israel anu jinojoong i bangka'nyo nu Yizreel taalu' suludadu nu Israel nopalaimo ka' taalu' i Saul tiba to ana-anaknyo anu toto momo'ane sinilakamo, aha suele nopalaimo, pinala'ianmo nu aha na kota' nu aha haha aijo'. Lantas kota' haha aijo' kinajojoonganmo nu aha mian Filistin.

1 TAWARIKH 13:1

I Tomundo' Daud binasale'mo tiba iwi-iwi' na suludadunyo anu toto tangka-tangkas na pangkatnyo, anu mongkapalai gombuan nu suludadu anu aha 1.000 na mian ka' anu aha 100 na mian.

1 TAWARIKH 13:3

Lantas mambamo o'alanto na Peti' Palajanjian nu Tumpu Allah, anu madi'mo kinalesang tempo'nyo i Tomundo' Saul nompalentah.”

NOSABATMO 18:23

De beleyum mombaumo sumo aijo' ka' han aijo' pinalentahkonmo nu Tumpu hi beleyum, beleyum moko alamo mombau pakalaja'an nu beleyum ka mian iwi-iwi' minsusule'mo tiba sanangmo na kinyonyoa nu aha kalana palakala nu aha sampamo ingulus.”

AMSAL 15:22

Anu otanga'i madi' jadi de madi' opotutugakon pe'e; panyo anu otanga'i kohasinnyo de manjoo' na anu mombee'i pokinde'.

YESAYA 37:4

Tomundo' nu aha Asyur nonsaimo mae suludadunyo mata-matangkas na pangkatnyo da mompopo ambang Tumpu anu tumuu'. Ihe anu monsumbu' pa' Tumpu nohongomo mae anu binau pinopo ambang nu aha aijo' ka' mohukumo aha anu nontaloakonmo mae aijo'! Kalana aijo' balado'amo hi Tumpu da nu tulungi mae na kita to mia-mian anu daagi' tutuu'.”

1 SAMUEL 31:1

Tempo'nyo aitu hau-haunyomo aha mian nu Filistin nahampatemo nongewa mian nu Israel i bungkutnyo nu Gilboa. Manjoo' hondo na aha mian nu Israel sinilaka ikiijo', lantas i Saul ka' mule' anaknyo anu to momo'ane, nopalaimo.