1 TAWARIKH 13:10 - KITAB NU TUMPU ALLA LELE MA'IMAI'

^10-11 Panyo baloomo tinambuha'an nu Tumpu na i Uza, kalana apaa na anu binaunyomo aijo' sumomo ia nongambangimo Tumpu. Lantas i Uza pinatean-Nyomo i kiijo', sahingga mulai tempo' aitu tampat aijo' sinanggohanmo “Peres-Uza”. I Daud pinusamo kalana Tumpu nompateimo i Uza.

1 TAWARIKH 13:10 ပူးပေါင်းရင်းမြစ်များ

1 TAWARIKH 15:13

Tempo'nyo Peti' aijo' palatamanyo i lalin, belemiu madi' ko anu i kiijo' da nomboa. Kalana aijo' Tumpu Allah-nto nohukummo kita kalana monsombah ia panyo madi' mombatuki pongka'oho'nyo.”

1 TAWARIKH 15:15

Ka' salatan Peti' aijo' i lalinmo, i hangkatmo nu aha ka' sinimbumo nu aha i kau' anu pinotoukamo susumo koonyo nu atulan anu binee'mo nu Tumpu hi Musa.

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

NOMBILANGMO 4:15

Tumpu notataemo hi Musa ka' hi Harun, “De belemiu montatakimo kemah, i Harun ka' to ana-anaknyo tionyo ahi' minsoopmo i uno nu Kemah-Ku, ka' mongkukubi iwi-iwi' pakakas ka' talakonannyo anu ikiijo'. Lapasje na aijo', to mia-mian nu Kehat timbalije toka da monsimbumo. Panyo aha madi' timbali montoa, mongohani, kabai monsala' kanyang balang haha aijo', kalana binee'mo na aijo' samata-mata hi beleng-Ku. De aha sabole-bole ahi' mombau, aha matemo. Jadi da to mia-mian nu aha Kehat aijo' boli molapus i tulunan nu bansa Lewi, i Harun ka' to ana-anaknyo tionyo ahi' mombee'i kalaja toto samian hi aha apaa na anu tionyo ahi' nuboa nu aha. Aijo'mo na pakalaja'an nu aha mian Kehat, de Kemah-Ku olalinmo. I Eleazar, anak i Harun na mongkalesang iwi-iwi' i Kemah-Ku, lanya' nu sulu', kamangian, gandum anu okolobanakon bau, koloban kaanon, lanya' anu opake monsombah ka' iwi-iwi' na anu i uno nu Kemah-Ku aijo'.”

YOSUA 6:6

Sahingga i lagamo i Yosua na to ima-imam, ka' notatae, “Hangkatmo na Peti' Palajanjian aijo'; aha popitu' na mian atina' hi belemiu tionyo ahi' lumajang mamba momona momboa tolompet.”

1 SAMUEL 6:19

Panyo kalana aha mian nu Bet-Semes haha aijo' nontoamo apaa na anu i unonu Peti' Palajanjian nu Tumpu, aha pitumpulu' na mian pinateanmo nu Tumpu. Sahingga mian da'isan nohangimo ka' sinusa'mo kalana Tumpu nompotokamo hi aha balaa' anu daka' hondo aijo'.