1 TAWARIKH 12:8 - KITAB NU TUMPU ALLA LELE MA'IMAI'

⁸ Tempo'nyo i Daud binabentengmo i padang anu mateges manjoo' na to sulu-suludadu anu toto pande-pande ka' anu tinalasanggomo aha tulunan nu bansa Gad tinokamo nosa'angu' hi ia. Aha to sulu-suludadu anu makolit hondo na montoongi kanta ka' talombo'; aha to babaani susumo singa ka' henggo nu aha lumpatan susumo jonga.

1 TAWARIKH 12:8 ပူးပေါင်းရင်းမြစ်များ

2 SAMUEL 1:23

I Saul tiba i Yonatan mongkanaya mian ka' okalibosi saja' mongka'oho' mosa'ngu' mau i uno nu kantumuu'an ka' ikasilakan; aha lebe malia' molingkudui alaimbelong, lebe mahoson molingkudui singa anu daagi bata'nyo.

2 SAMUEL 17:10

Sahingga mian anu toto babaani tiba anu toto hoso-hoson susumo singa, tantu mabuhukmo. Kalana aha mian nu Israel iwi-iwi' monsumbu'mo tuuma nu belento Mian Daka' aijo' memang ahi' talenga' ka' mule' to sulu-suludadunyo anu ahi' to babaani.

2 SAMUEL 2:18

Aha toto-totolu' na anak i Zeruya tempo'nyo aitu daagi aijo'mo: i Yoab, i Abisai, tiba i Asael. I Asael de mopadeka' malia' hondo sumo jonga,

2 SAMUEL 23:20

Samian na suludadu sanga'at anu matangkas na pangkatnyo ka' suele talasanggo aijo'mo i Benaya anak i Yoyada mian nu Kabzeel. Ia baani hondo. Ua aha na talenga' anu talasanggo lengkat mae i Moab pinateannyomo. Daagi' kino minsan tempo'nyo nu bakin ia ninsoopmo i sa'angu' na liang, ka' nompateimo sa'angu' na singa ikiijo'.

1 TAWARIKH 11:22

Samian na suludadu sangga'at anu matangkas na pangkatnyo ka' talasanggo aijo'mo i Benaya anak i Yoyada mian nu Kabzeel. Ia baani hondo. Ua'aha na talenga' nu aha Moab anu talasanggo pinateannyomo. Daagi' kino sansinaan tempo'nyo nu eis, ia nompinsoopimo sa'angu' na liang ka' nompateimo sa'angu' na singa i kiijo'.

1 TAWARIKH 12:16

Daagi' kino minsan sanggombu na mian aha mae tulunan nu bansa Benyamin tiba Yehuda nambamo i benteng tampat kajojoongan i Daud.

1 TAWARIKH 12:9

Aiya na sanggo nu aha anu tinulis binatukakon i pangkat nu aha: i Ezer, i Obaja, i Eliab, i Mismana, i Yeremia, i Atai, i Eliel, i Yohanan, i Elzabad, i Yeremia, i Makhbanai.

2 TAWARIKH 25:5

I Amazia nomposihukmo iwi-iwi' na aha tulunan mae nu bansa Yehuda ka' Benyamin lantas pinokaunyomo na aha tinuminjo posi-posi aha sa'anakan, nu kapalai nu samian na kapala nu suludadu anu konjoo'nyo aha samadala, ka' kapala nu anu mongkapalai aha sa'atu na suludadu. Lapas aijo' ia nompile'imo to mia-mian anu 20 mo na taun labi mokiita', anu mahoson na mahampate ka' makolit na montoongi talombo' ka' kanta. Konjoo'nyo aha 300.000 na mian.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

AMSAL 6:5

Lapasakon na butong nu beleyum i so'o aijo' susumo tomonsi' kabai kijang anu nolapasmo hi topo bebas.

NYANYIAN ANU TALASANGGO 8:14

Sindua'anku tokamo mae susumo kijang, Sumomo anak nu jonga i bungkutnyo nu Beter.

YEREMIA 46:9

Popadeka'mo o to aja-ajahan! Bagalagimo o to kare-kareta! Donganmo mamba o to sulu-suludadu anu montoongi kanta lengkat mae i Sudan tiba Libia. Ka' suele belemiu o to mia-mian anu toto pande-pande na mompana' lengkat mae ilipu' Lidia.’ ”

1 SAMUEL 23:14

Lapas aijo' i Daud jonojoongmo i liang nu bungkutnyo anu lewa' panisulukan kiijo' mae i padang anu mapeges anu kiijo' i Zif. Ia saja'mo nu loloi' i Saul, panyo madi' nu bee' nu Tumpu hi tomundo' aijo'.

1 SAMUEL 24:22

Uuka aiya bajanji'mo mae hi belengku da nu sumbu' nu Tumpu na beleyum madi' ahi' mompatei lee'ku ka' madi' ahi' mongkolilimi sanggo nu to utu-utusku!”