1 TAWARIKH 12:23 - KITAB NU TUMPU ALLA LELE MA'IMAI'

^23-37 Tempo'nyo i Daud kiijo' i Hebron nanjoo'mo na suludadu anu pandemo na mahampate nosa'angu'mo hi ia. Aha nontulungimo ia da ia bisa timbali tomundo' mombolosakon i Saul, susumo anu jinanji'mo nu Tumpu. Konjoo'nyo nu aha sumo aiya: Hi aha tulunan nu bansa Yehuda: 6.800 na mian, sasadiamo na kanta ka' talombo'nyo. Hi aha tulunan nu bansa Simeon: 7.100 na mian anu pandemo na mahampate. Hi aha tulunan nu bansa Lewi: 4.600 na mian. Suludadu i Yoyada mongkapalai lee' mae i Harun: 3.700 na mian. To utu-utus mae i Zadok, samian na suludadu anu daagi' olitau ka' baani hondo: mongkapalai aha 22 na mian – iwi-iwi' to tu'a-tu'anyo nu auwan. Hi aha tulunan nu bansa Benyamin (tulunan i Tomundo' Saul): aha 3.000 na mian; kanjoo'annyo na tulunan nu bansa Benyamin tataap montuluti i Saul. Aha tulunan nu bansa Efraim 20.800 talasanggo hi aha posi sa'anakan. Aha tulunan nu bansa Manasye anu jojoong i sasu kinsoban Kaunyo nu Yordan: 18.000 na mian anu tinantukanmo molantik i Daud da baumo tomundo'. Aha tulunan nu bansa Isakhar: 200 na polaya' tibamo to sulu-suludadunyo nu aha: polaya'nyo haha aiya to pande-pande na montantukan pa' apaa na anu tionyo obau nu mian da'isan Israel i saangu' na tempo' anu matantu hondo. Aha tulunan nu bansa Zebulon: 50.000 na mian anu pande hondo na mompake ngangahannyo nu toongon ka' madi' manjoo' na kabalatan de mahampatemo, aha to mia-mian anu tulu-tulutan ka' opalesaya. Aha tulunan nu bansa Naftali: 1.000 na to pola-polaya'nyo tibamo to sulu-suludadunyo aha 37.000 na suludadu sasadiamo na kanta ka' talombo' nu aha. Aha tulunan nu bansa Dan: 28.600 na mian anu memang ingajanmo totu-totu'u. Aha tulunan nu bansa Asyer: 40.000 na mian anu madi' manjoo' na kabalatan de mahampatemo. Aha iwi-iwi' na tulunan nu bansa i sasu kabete'an Yordan, aijo'mo, i Ruben, i Gad ka' sambagian na tulunan nu bansa Manasye: 120.000 na mian anu pande hondo na mompake iwi-iwi' na ngahan nu toongan bau pahampate.

1 TAWARIKH 12:23 ပူးပေါင်းရင်းမြစ်များ

KAJADIAN 32:3

Lapas aijo' i Yakub nonsaimo tinopia-piangkuka na anu i lumajang mamba pe'e i moona i lipu' Edom da singkabot i Esau, utusnyo tu'a.

2 SAMUEL 3:18

Jadi aiyamo na kasampatan nu belemiu. Boli okolilimi, Tumpu binalajanji'mo hi Daud tukoo-Nyo ia mongalamo i Daud da momposalamat mian nu Israel da bolimo nu pahampateakon nu aha mian Filistin ka' mule' iwi-iwi' na sampo bali'nyo sangga'at.”

1 TAWARIKH 11:10

Aiya na sanggo nu suludadu i Daud anu toto tangka-tangkas na pangkatnyo ka' anu tinalasanggomo. Tiba iwi-iwi' na mian da'isa nu Israel, aha binala'usahamo totu-totu'u da i Daud timbali tomundo', susumo ahi anu jinanji'mo nu Tumpu. Ka' sabole-bole ahi' nusangaja'i nu aha na anu nu palentahkon i Daud.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”

1 SAMUEL 16:3

Lantas olaga na i Isai da mamba i tampat pongkolobanakonan koloban aijo'. Kupoto'ije apaa na anu tionyo ahi' nu bau nu beleyum. Mian anu Kupotiju' hi beleyum tionyo ahi' nu hangkat ka' obalakati da timbalimo tomundo'.”