1 TAWARIKH 12:20 - KITAB NU TUMPU ALLA LELE MA'IMAI'

²⁰ Aiya na sanggo nu aha to sulu-suludadu tulunan nu bansa Manasye anu nokiijo' nosa'angu' hi Daud tempo'nyo ia nambamo nokiijo' i Ziklag: i Adnah, i Yozabad, i Yediael, i Mikhael, i Yosabad, i Elihu ka' i Ziletai. Aha toto samian mongkapalai 1.000 na suludadu.

1 TAWARIKH 12:20 ပူးပေါင်းရင်းမြစ်များ

1 TAWARIKH 12:19

Tempo'nyo i Daud tiba mian nu Filistin nompahampateakonmo i Tomundo' Saul, sambagian na suludadu tulunan nu bansa Manasye nambamo nokiijo' hi Daud. Sabenannyo i Daud madi' montulungi mian nu Filistin haha aijo'. To pola-polaya' nu aha Filistin nonsaimo ia minsusule' i Ziklag kalana aha mabuhuk dumo saidi' mae ia mambamo mokiijo' mosa'angu' hi Tomundo' Saul ka' monsilakaimo aha.

1 TAWARIKH 12:21

Aha suludadu anu baani hondo ka' nontulungimo i Daud mongewa mian anu lewa' mamba mae montumbuhi. I mihinyo mae aha tinimbalimo suludadu nu Israel anu toto tangka-tangkas na pangkatnyo.

1 TAWARIKH 8:20

i Elyo'enai, i Ziletai, i Eliel,

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

PO'ULE' INGULIT 1:15

Saba' aitu i totonga polaya'-polaya anu pinela'an miu topia-piangkuka na anu pande ka ku ala ka ku hangkat da bau kapala miu. Topia-piangkuka obau kapala anu samadala, sagaat anu saatu na mian, anu limampulu na mian, ka' sampulu na mian. Aku suele mohangkat kapala-kapala sanggaat da mengatun bansa-bansa.

PO'ULE' INGULIT 33:17

I Yusuf daagi' ko sa'angu' na sapi' anu bau kahosonannyo, ka' tanduk nu sapi' lakinyo anu ma'ela' aijo'mo momada-madala na aha mian nu Manasye ka' pulu-pulu'annyo na madala na mian nu Efraim. Iwi-iwi' na bansa tinanduknyo ka' sinalakonnyomo tinoka-toka i puusnyo nu tano'.”

1 SAMUEL 29:11

Kalana aijo' dodododopnyo subu-subu nambamo na i Daud tiba to sulu-suludadunyo ninsusule'mo i lipu' nu Filistin panyo suludadu nu Filistin haha aijo' na nambamo ahi' i Yizreel.

1 SAMUEL 29:3

To sulu-suludadu nu aha mian Filistin anu daka' na pangkatnyo nontoamo aijo' mae aha lantas ilelekanmo nu aha; “Mian nu Ibrani haha aijo' apaa na nu bau nu aha i aiya?” Tinaaman i Akhis, “Aiya i Daud anu toho'mo binee'an pangkat nokalaja hi Tomundo' Saul nu aha Israel. Ia gagana'mo pinin na jinojoong hi belengku. Salatanmo pe'e ia tinoka sangkut sinaa aiya, ma'isa toho' kino kasala'annyo.”

1 SAMUEL 29:4

Panyo to sulu-suludadu anu daka' na pangkatnyo nu aha mian Filistin nontambuha'imo i Akhis ka' nompoto'i hi ia, “Saimo na mian aijo' minsusule' i kota anu binee'mo nu beleyum hi ia. Ia madi' timbali mamba mahampate hingga-hinggat tiba kita; boli-boli ia mule' ahi' na mompahampateakon mae kita kiijo' mae i tampat pahampatean. Temisa' aiyamo na kasampatan anu ma'ima' hondo hi ia, mongala kinyonyoa nu tomundo'nyo, aijo'mo mompatei suludadunto?