1 TAWARIKH 12:18 - KITAB NU TUMPU ALLA LELE MA'IMAI'

¹⁸ Samian na anu aijo' mae hi aha, i Amasai anu lapas aijo' i hangkatmo binau kapala nu sa'angu' na gombuan nu mian anu osa-osanggohi “Tridasawira”, kinuasanmo nu Roh nu Tumpu Allah ka' notatae, “O Daud, anak i Isai! Kami monsangaja'i belento! O' amalakon da belento ka' aha anu montulungi belento momboa mae ka'untungan Tumpu Allah atina' hi beleyum!” Sahingga tinalimamo i Daud na aha ka' i hangkatnyomo na aha binaumo suludadunyo anu matangkas na pangkatnyo.

1 TAWARIKH 12:18 ပူးပေါင်းရင်းမြစ်များ

2 SAMUEL 15:21

Panyo tinaaman i Itai, “Belento Anu Talasanggo, i uno nu sanggo nu anu tumuu' ka' kalana nyawa nu belento Tuanku, maumo pa' moya na belento Tuanku mamba, ku batuki, mau mule' mongahopimo kapaten.”

2 SAMUEL 17:25

I Absalom nohangkatmo i Amasa da mongkapalai suludadu bau pombolosi i Yoab. I Amasa anak i Yitra mian nu aha Ismael: tinanyo i Abigail anak i Nahas, utus boune i Seruya tina i Yoab).

2 SAMUEL 19:13

Ka' mule' i Daud nompokaumo aha da mompoto'i hi Amasa sumo uuka, “Temisa' beleyum suele julungku mae ahi'? Uuka aiya beleyum ku hangkatmo bau talenga' nu suludadungku pombolosi i Yoab. Tumpu Allah na monsilakai mae aku de madi' ku totu'ui na anu tinaloakonkumo aiya!”

2 SAMUEL 5:2

Salatanmo pe'e naipuan mae, ka' mule' tempo'nyo i Saul daagi nompalentah kami, belentomo Tomundo' na nongkapali suludadu nu Israel de aha mambamo mahampate, ka' mule' Tumpu binalajanji'mo hi belento Tomundo' na molaya' mian anu pinalesayamo hi Ia, ka' timbaliomo tomundo' nu aha mian Israel.”

1 TOMU-TOMUNDO' 9:22

Mian nu Israel madi' nu ala i Salomo bau botuan; aha ohangkat bau suludadu, suludadu anu matangkas na pangkatnyo, talenga' nu suludadu anu mongkapalai suludadu anu sumake' i kereta de mambamo mahampate, ka' suludadu anu sumake' i ajahan.

2 TOMU-TOMUNDO' 10:15

I Yehu nolausakonmo lumambanannyo. Hau-haunyo i lumajang ia i lalabotmo i Yonadab anak i Rekhab. I Yehu nonsalando'aimo ia ka' notatae, “Te misa' kita aiya mompaha kona ahi'? Beleyum mongka' oho' montulungi aku?” “Ii',” na koonyo i Yonadab. “De sumo itina', imbo' da kita mompaha kawa,” na pinombalosi i Yehu. Aha nompaha kawamo ka' i Yehu nontulungimo i Yonadab sinumake' i karetanyo, ka' notatae,

2 TOMU-TOMUNDO' 10:5

Kalana aitu kapala nu laigan nu tomundo' ka' anu mongkuasai kota' aijo' tiba to tu'a-tua'nyo nu mian da'isan ka' mian anu nompotuu' anak makumpu i Ahab nompakatumo lele aiya sumo uuka, hi Yehu, “Kami ta'alukmo hi belento Tuan, ka' apaa na anu opokauhakon hi kami nu belento Tuan tionyo ahi' obau mami. Kami madi' mohangkat bau tomundo' maumo pa' ihe. Bau ahi' mae apaa na anu ma'ima' anu nukahanda'i nu belento Tuan.”

2 TOMU-TOMUNDO' 9:32

I Yehu nontonto'imo nokiita' i tolongan ka' notatae “Ihe na monsangaja'i aku?” Nohongo potatae aijo' ua'aha kabai aha totolu' na mian anu ko pangkatnyo i laigan nu Tomundo' nontoamo nokaiyong.

1 TAWARIKH 11:11

Suludadu anu matangkas na pangkatnyo momona aijo'mo i Yasobam mian nu Makhmoni, iamo na mongkapalai “Triwira”. Daagi' kino minsan aha nahampate, ia nongewa aha 300 na mian ka' nompateimo aha iwi-iwi' nu talombo'nyo.

1 TAWARIKH 12:17

I Daud nonsingkabotimo aha ka' nompoto'i, “De belemiu toka mae aiya kahanda' mosangalu montulungi aku otalima mami na belemiu sanang na kinyonyoa mami montalima belemiu. Panyo de belemiu ko kahanda' toka mae da monsilakaimo aku hi sampo bali'ku, maumo aku madi' nombau anu ma'idek hi belemiu, Tumpu Allah anu osombah nu mompolee'to na monsumbu' ka' mule' Ia na mohukum belemiu.”

1 TAWARIKH 2:17

I Abigail no'osoa tiba i Yeter lee' mae i Ismael. Aha kino anak mo'ane samian sanggonyo i Amasa.

YESAYA 59:17

Ia nompake ka'adilan ka' kasalamatan, salaku baju' besak ka' songko' anu ko aja'nyo. Ia ko kahanda' mompokopiani kaadaan ka' mombalosi anu madi' adin.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

MATIUS 12:30

Mian anu madi' matihapa' hi beleng-Ku, totu-totu'unyo mombahakon Aku. Ka' mian anu madi' montulungi Aku, totu-totu'unyo mongidei pakalaja'an-Ku!

GALATIA 6:16

Kona hi to mia-mian anu tumuu' sipatnyo sumo aitu, ka' sumo aitu mule' kona hi iwi-iwi' mian anu palesayamo hi Tumpu Allah, kutaha'imani Tumpu mombee'ije ka'ima'an ka' balakat-Nyo.

TO MIA-MIAN KOPIAN 13:25

ka' tempo'nyo ia jinojoongmo i kemah nu aha tulunan nu bansa Dan, anu kiijo' i olot nu Zora tiba Esytaol, Roh nu Tumpu nombee'imo kahosonan hi ia.

TO MIA-MIAN KOPIAN 3:10

Roh nu Tumpu nongkuasaimo i Otniel sahingga ia tinimbalimo polaya' nu aha mian Israel. Ia nambamo nahampate, lantas binee'anmo nu Tumpu ka'untungan nahampate nongewa tomundo nu aha Mesopotamia.

TO MIA-MIAN KOPIAN 6:34

Panyo i Gideon kinuasanmo nu Roh nu Tumpu sahingga pinuhannyomo na tolompet polaga aha mian nu Abiezer da toka mae mosa'angu' tiba ia.

I RUT 1:16

Panyo tinaaman i Rut, “O Tinangku, boli belento Tinangku monsai aku da minsusule'mo ka' mompala'imo kita Tinangku. Aku mombatukimo kita Tinangku. Mau mule' pa' moya na belento Tinangku mamba, ku batukimo. Mau mule' pa' iya na kajojoongan nu belento Tinangku, ikiijo'mo suele na kajojoonganku. Bansa nu belento Tinangku, aijo'mo na bansangku. Tumpu Allah anu osombah nu belento Tinangku, aijo'mo suele na ku sombah.

1 SAMUEL 16:4

I Samuel nombaumo susumo anu pinoto'imo nu Tumpu. Salatan ia tinokamo i Betlehem, to pola-polaya' kiijo' i kota' kinobanga-bangangmo na nolabot ia, ka' nompokilawa, “Pa' katokaan nu belento Tuuma aiya momboa mae kasalamatan?”

1 SAMUEL 16:5

Tinaaman i Samuel, “Memang totu'u aku toka monsombahkon koloban hi Tumpu. Jadi posusi' pe'e na butong nu belemiu da timbali mamba i tampat pongkolobanakonan koloban aijo'.” I Isai tiba to ana-anaknyo suele pinokaunyo da momposusi' butong nu aha toto samian ka' ilaganyo suele da mamba i tampat pongkolobanakonan koloban aijo'.

1 SAMUEL 22:7

ia notataemo hi to kapa-kapala nu suludadunyo haha aijo', “Soba potombihing mae belemiu to mia-mian nu Benyamin! Te i Daud aijo' mombee'imo belemiu tano' tiba ale' nu anggur? Te belemiu iwi-iwi' ohangkatmo bau kapala nu suludadunyo?

1 SAMUEL 24:12

Soba toa na aiya, kita Tuumangku! Toa mae na juba' nu belento Tomundo' sangkoyot aiya totoong hi belengku! Sabenannyo ku poko alamo ku patei na belento Tomundo', panyo aku ola nongkoyot sangkiding na pani' nu juba' nu belento Tomundo'. Jadi aiya nyata'mo saba' aku aiya madi' ko niat ma'idek kabai uesan. Belento Tomundo' lewa' mololoi' aku kahanda' da opateimo na aku maumo aku aiya madi' kosala'nyo mau ola sangkiding hi belento Tomundo'.

1 SAMUEL 24:13

O'amalakon da Tumpuje na momputusi kita aiya ohua' ihe na anu ko sala'nyo! Tumpuje na mombalosakon apa-apaa na anu binaumo nu belento Tomundo' hi belengku aiya, panyo mau mule' mosiamo aku madi' mombau anu ma'idek hi belento Tomundo'.

1 SAMUEL 24:16

Tumpuje na timbali mian kopian momputusi belento Tomundo' tiba aku aiya. O'amalakon da Iaje na mongulus palakala aiya, ka' montinjohi mae aku aiya ka' momposalamat mae aku aiya da boli opatei nu belento Tomundo'.”

1 SAMUEL 8:12

Sambagian nu hangkat mongkapalai suludadu aha samadala na mian, ka' sambagian mule' mongkapalai aha limampulu' na mian. Tomundo aijo' saidi mae mompakisa to ana-anak nu belemiu mompajeko ale'nyo, mongalapakon hasin u ale'nyo, mombau toongon da bau pimuhuk ka' pakakas nu kareta anu opake mahampate.