1 TAWARIKH 12:16 - KITAB NU TUMPU ALLA LELE MA'IMAI'

¹⁶ Daagi' kino minsan sanggombu na mian aha mae tulunan nu bansa Benyamin tiba Yehuda nambamo i benteng tampat kajojoongan i Daud.

1 TAWARIKH 12:16 ပူးပေါင်းရင်းမြစ်များ

1 TAWARIKH 12:15

Daagi' kino minsan jinadi i bitu'on palatamanyo tempo'nyo Kaunyo Yordan ingiaba'mo, suludadu anu toto tangka-tangkas na pangkatnyo haha aijo' notaapmo i kaunyo aijo' ka' nolaa'mo mian nu tumpu nu lipu' i bangka'nyo haha aijo', mau anu i sasu kabete'an kabai anu i sasu kinsoban nu kaunyo aijo'.

1 TAWARIKH 12:17

I Daud nonsingkabotimo aha ka' nompoto'i, “De belemiu toka mae aiya kahanda' mosangalu montulungi aku otalima mami na belemiu sanang na kinyonyoa mami montalima belemiu. Panyo de belemiu ko kahanda' toka mae da monsilakaimo aku hi sampo bali'ku, maumo aku madi' nombau anu ma'idek hi belemiu, Tumpu Allah anu osombah nu mompolee'to na monsumbu' ka' mule' Ia na mohukum belemiu.”

1 TAWARIKH 12:8

Tempo'nyo i Daud binabentengmo i padang anu mateges manjoo' na to sulu-suludadu anu toto pande-pande ka' anu tinalasanggomo aha tulunan nu bansa Gad tinokamo nosa'angu' hi ia. Aha to sulu-suludadu anu makolit hondo na montoongi kanta ka' talombo'; aha to babaani susumo singa ka' henggo nu aha lumpatan susumo jonga.

MAZMUR 68:27

“O, puji' na Tumpu hau-hau-Nyo mian anu palesayamo hi ia sihukmo, opuji' na Tumpu, o, belemiu iwi-iwi' na lee' i Yakub!”

1 SAMUEL 22:4

Lapas aijo' tuumanyo tiba tinanyo aijo' binoanyomo hi tomundo' nu aha Moab, ka' aha jinojoongmo kiijo' mae tempo'nyo i Daud daagi saja' lewa' maninsuluk i liang.

1 SAMUEL 22:7

ia notataemo hi to kapa-kapala nu suludadunyo haha aijo', “Soba potombihing mae belemiu to mia-mian nu Benyamin! Te i Daud aijo' mombee'imo belemiu tano' tiba ale' nu anggur? Te belemiu iwi-iwi' ohangkatmo bau kapala nu suludadunyo?