Anu monsangaja'i aha sampoto utusan mae i Saul tiba anu monsangaja'i aha sampoto utusan mae i Daud saja'mo nahampate. I Daud nompaka pahosonmo panyo aha sampo bali'nyo madi'mo kinokahosonan.
I Daud po'ule' mule' nombau kota' aijo' mulai pe'e i tampat anu tinambulanmo nu tano' da matangkas, sasu kabete'an i sambiha' nu bungkutnyo; ka' i mihinyo mae po'ule'je mule' binau i Yoab sampe tinimbali.
I songko-songko na kalaja'an sinumbu'mo nu mian na i Mordekhai okabuhuk ka' oholomati hondo nu mian kiijo' i laigan nu tomundo ka' nompaka daka'mo hondo na kuasanyo.
Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”
Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.
Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.