1 TAWARIKH 11:4 - KITAB NU TUMPU ALLA LELE MA'IMAI'4 Daagi' kino minsan i Tomundo' Daud tiba suludadu nu Israel iwi-iwi' nambamo nontumbuhi kota' Yerusalem. Tempo'nyo aitu kota' aijo' sanggonyo i Yebus, ka' tumpu nu lipu' anu jojoong i kiijo' aijo'mo mian nu Yebus. အခန်းကိုကြည့်ပါ။ |
Mian nu Yebus haha aijo' nompoto'imo hi Daud, tukoonyo nu aha ia madi' moko ala mompinsoopi kota' nu aha aijo'. Panyo pinoko alamo i Daud na nongkuasai benteng nu aha anu osa-osanggohi Sion. Tempo'nyo aitu pinoto'imo i Daud momonanyo hi to sulu-suludadunyo tukoonyo ihe na mian anu momona mompatei mian nu Yebus ia na o hangkat bau talenga'. Sahingga kalana i Yoab na anu momona nontumbuhi mian nu Yebus iamo na i hangkat binau talenga'. (Sanggo nu tinanyo i Yoab aijo'mo i Zeruya.) Salatan kinuasanmo na benteng Sion, i Daud jinojoongmo kiijo'. Mokonyo aijo' salatanmo pe'e aitu benteng aijo' sinanggohanmo “Kota' Daud”.