1 TAWARIKH 11:20 - KITAB NU TUMPU ALLA LELE MA'IMAI'

^20-21 Aha tolumpulu' na suludadu anu toto tangka-tangkas na pangkatnyo aijo' ka' talasanggo aijo' suele osanggohi “Tridasawira”. Aha kinapalaan i Abisai utus ise' i Yoab. Daagi' kino minsan ia nompatei nu talombo' aha 300 na mian, sahingga ia tinalasanggomo. Panyo ia madi' ahi' sumo ko baani nu aha Triwira aijo'.

1 TAWARIKH 11:20 ပူးပေါင်းရင်းမြစ်များ

2 SAMUEL 18:2

Lantas sinainyomo namba nahampate na aha, binaginyo totolu' na gombuannyo ka' anu nongkapalai toto sanggombu: i Yoab, i Abisai utus ise' i Yoab ka' i Itai anu nolengkat mae i Gat. I Daud notatae hi to sulu-suludadunyo haha aijo', “Aku suele mamba hingga-hinggat tiba belemiu.”

2 SAMUEL 2:18

Aha toto-totolu' na anak i Zeruya tempo'nyo aitu daagi aijo'mo: i Yoab, i Abisai, tiba i Asael. I Asael de mopadeka' malia' hondo sumo jonga,

2 SAMUEL 20:6

Sahingga notataemo na i tomundo' hi Abisai, “I Seba aijo' lebemo monsusa'i mae kita molingkuduimo i Absalom. Kalana aijo' boa na suludadungku ka' loloi' na ia, da boli sampe nu kuasai na to kota-kota' anu ko bentengnyo ka' mopalaimo mompala'i kita.”

2 SAMUEL 21:17

Panyo i Abisai anak i Zeruya tinokamo mae nontulungi i Daud. Lako'mo ilalubusannyo na mian daka-daka' hondo aijo' ka' pinateannyomo. Lapas aijo' suludadu i Daud nonsale'imo i Daud da bolimo daagi' mamba hingga-hinggat mahampate. “Belento Tomundo' bau kataha'imanan nu mian Israel boli-boli dumo kami madi'mo ko Tomundo'nyo,” na koonyo nu aha.

2 SAMUEL 3:30

Sumo aijo' na i Yoab tiba i Abisai utusnyo ise' nombalosakonmo pusah nu aha hi Abner, kalana i Abner nompateimo i Asael utus ise' nu aha tempo'nyo nahampate kiijo' mae i Gibeon.

1 TAWARIKH 11:19

Ia notatae “I uno nu sanggo nu Tumpu Allah, aku madi' timbali monginum uee aiya! De aku monginum sumomo aku monginum baso' nu to mia-mian anu nonsawanakonmo baso' nu aha!” Jadi i Daud madi hondo-hondo nonginum uee aijo'. Aijo'mo na hahan anu talasanggo, anu binaumo nu aha totolu' na suludadu anu baani hondo aijo'.

1 SAMUEL 26:6

Lapas aijo' pinokilawamo i Daud hi Ahimelekh mian nu aha Het, ka' hi Abisai utus i Yoab (tina nu aha i Zeruya), “Ihe na baani minsoop tiba aku mokiijo' i uno nu kemah i Saul?” Tinaaman i Abisai, “Akumo!”