1 TAWARIKH 11:19 - KITAB NU TUMPU ALLA LELE MA'IMAI'

¹⁹ Ia notatae “I uno nu sanggo nu Tumpu Allah, aku madi' timbali monginum uee aiya! De aku monginum sumomo aku monginum baso' nu to mia-mian anu nonsawanakonmo baso' nu aha!” Jadi i Daud madi hondo-hondo nonginum uee aijo'. Aijo'mo na hahan anu talasanggo, anu binaumo nu aha totolu' na suludadu anu baani hondo aijo'.

1 TAWARIKH 11:19 ပူးပေါင်းရင်းမြစ်များ

KAJADIAN 9:4

Anu madi' timbali okaan nu beleyum aijo'mo ponoha' anu daagi' ko baso'nyo, kalana santuu'nyo kiijo' i uno nu baso'.

2 SAMUEL 23:17

Ia notatae, “O, Tumpu aku madi' timbali monginum uee aiya! De ku inum sumomo aku nonginum baso' nu to mia-mian anu nomboto'akonmo nyawa nu aha!” Jadi i Daud madi' ahi' hondo-hondo nonginum uee aijo'; Aijo'mo na usaha anu binaumo nu aha totolu' na suludadu anu baani hondo haha aijo'.

1 TOMU-TOMUNDO' 21:3

Tinaaman i Nabot “Ale' nu anggur aiya pusaka' nu nompolee'ku. Iuno nu sanggo nu Tumpu, madi' timbali ku bee' hi belento Tuan?”

1 TAWARIKH 11:18

Nohongo potatae aijo' aha totolu' na suludadu anu toto tangka-tangkas na pangkatnyo aijo' nompokiijo'imo kemah nu aha Filistin lantas nontaukmo mae uee i bubung aijo' lantas binoamo nu aha hi Daud. Panyo i Daud madi' nongka'oho' nonginum, ola ahi' binubusakonnyo salaku bau tanda sinombahkonnyomo hi Tumpu.

1 TAWARIKH 11:20

Aha tolumpulu' na suludadu anu toto tangka-tangkas na pangkatnyo aijo' ka' talasanggo aijo' suele osanggohi “Tridasawira”. Aha kinapalaan i Abisai utus ise' i Yoab. Daagi' kino minsan ia nompatei nu talombo' aha 300 na mian, sahingga ia tinalasanggomo. Panyo ia madi' ahi' sumo ko baani nu aha Triwira aijo'.

AYUB 31:31

Nusumbu' nu to mia-mian anu mokalaja hi belengku saba' maumo pa' ihe ku bee'i mongkaan i laiganku.

MAZMUR 72:14

Ia mompobebasmo aha da madi'mo lewa' obee'i kasansalan ka' anu saja' opalentah, nusinggi, kalana kantumuu'an nu aha ko angga'nyo hondo hi ia.

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

MARKUS 14:24

Lapas aijo' i Yesus notatae, “Aiyamo na baso'-Ku anu mompohoson palajanjian nu Tumpu, baso' anu binubusakon bau kapentingan nu mian da'isan.

YOHANES 6:55

Kalana butong-Ku totu-totu'u anu okaan, ka' baso'-Ku totu-totu'u anu o inum.

ROMA 16:4

Aha kiniboli' sinilakamo kalana mongka'oho' momposalamat aku. Aku montalima kaseh hi aha – ka' misa' ola aku, panyo iwi-iwi' na jama'at bansa sangga'at anu misa' Yahudi suele montalima kaseh hi aha.

1 KORINTUS 15:30

Ka' bau apaa na gunanyo sahingga kami mongka'oho' mongahopi kasusa'an sansina-sinaa?

TO MIA-MIAN KOPIAN 9:17

anu nahampatemo nonsangaja'i belemiu? Boli okolilimi, ia nombatoni'akonmo nyawanyo nolapasakon belemiu da madi'mo kinuasan nu aha mian Midian.

1 SAMUEL 19:5

Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”