1 TAWARIKH 10:12 - KITAB NU TUMPU ALLA LELE MA'IMAI'

¹² mian anu toto babaani hondo kiijo' hi aha nambamo nongala bangke' i Saul tiba bangke' nu to ana-anaknyo anu to momo'ane lantas binoamo nu aha i Yabes. I lamunmo nu aha na ia i patu nu sa'angu' na kau' anu daka', lapas aijo' aha binapuasa'mo ingipitun na kinopinnyo.

1 TAWARIKH 10:12 ပူးပေါင်းရင်းမြစ်များ

KAJADIAN 12:6

i Abram nonsongkohi tano' aijo' sampe tinokamo i kau' anu ko balakatnyo kiijo' i More, aijo'mo tampat ponsomban Tumpu kiijo' i Sikhem. (Tempo'nyo aitu mian nu Kana'an daagi' monjoongi tano aijo'!)

KAJADIAN 35:8

Ikiijo' mae suele i Debora, boune anu mongkalesang i Ribka, sinilakamo lantas i lamunmo i patu nu kau' daka' aijo' sasu salatan kota aijo'. Mokonyo aijo' kau' aijo' sinanggoahanmo “Kau' Pinohangian.”

KAJADIAN 50:10

Salatan aha tinokamo i tampat nu mian anu mongutut gandum kiijo' i Goren-Haatad, i sasu kabete'an Kaunyo nu Yordan, aha nontando'imo kalana nolibosmo hondo. I Yusuf nombaumo adat toonnyo nu mian silakamo, pinitun sinaa na kinopinnyo.

2 SAMUEL 3:35

Sansina-sinaa na mian mongkakase i Daud da mongkaan ahi' sangkiding panyo ia binasumpa'mo, “Ku poita da Tumpu Allah mompateimo mae aku, de aku mongkaanmo ma'isa pe'e makakinsap na batu nu sinaa!”

1 TAWARIKH 10:11

Salatan i hongomo nu mian anu jojoong i kota' Yabes, i da'erah Gilead apaa na anu binaumo nu aha mian Filistin hi Saul,

YOHANES 11:19

Da'isan na mian nu Yahudi tinoka hi Marta ka' hi Maria mongindeko' aha, kalana utus nu aha sinilakamo.

1 SAMUEL 11:1

Lapas aijo' i Nahas tomundo' nu aha mian nu Amon nompalentahmo suludadunyo ka' nontumbuhimo kota Yabesh idaerah Gilead. Mian anu jojoong i Yabesh nompoitamo hi Nahas, de timbali, “Pombau mae palajanjian tiba kami da kami tulu-tulutan hi palentah nu belento.”

1 SAMUEL 11:9

Lapas aijo' pinoto'imo hi mian anu sinai mae lengkat i Yabesh sumo uuka, “Poto'i hi aha mian nu Yabesh, dodop daagi subu-subu ma'isa pe'e sonsu'un na sinaa ko anumo montulungi aha.” Salatan aha mian nu Yabesh nohumpakmo potuunon aijo' aha sinanangmo hondo.

1 SAMUEL 31:12

lantas to mia-mian anu to babaani nambamo lengkat ikiijo' sinampahu i jalan namba i Bet-Sean. Tinau'akon nu aha na bangke' i Saul tiba bangke' nu to ana-anaknyo anu to momo'ane aijo' i pagan mesen nu kota' ka' binoa nu aha i Yabesh ka' pinapuan nu aha.