1 TAWARIKH 1:32 - KITAB NU TUMPU ALLA LELE MA'IMAI'

³² I Abraham kino ambahue'nyo sanggonyo i Ketura. Hi ambahue'nyo aijo' ia kino anak to momo'ane, sanggo nu aha: i Zimram, i Yoksan, i Medan, i Midian, i Isybak tiba i Suah. I Yoksan kino anak to momo'ane sanggo nu aha: i Syeba, tiba i Dedan.

1 TAWARIKH 1:32 ပူးပေါင်းရင်းမြစ်များ

KAJADIAN 37:28

ka' salatan to pia-piangkuka na mian nu Midian anu badagang notulumo, i Yusuf binuatakonmo nu to utu-utusnyo tu'a lengkat aijo' i uno nu bubung lantas pinobalukmo hi mian nu Ismael aijo', olinyo uampulu' na takean nu doi salaka. Lapas aijo' binoamo na ia nu to daga-dagang namba i Mesir.

1 TOMU-TOMUNDO' 10:1

Kapandean i Salomo tinogilelemo tinoka-tokamo hi tomundo' boune nu lipu' Syeba. Sahingga ia nambamo mae i Yerusalem kahanda' monsoba-soba i Salomo, ia soba nompokilawa anu toto maha-mahan.

1 TAWARIKH 1:31

i Yetur, i Nafis, tiba i Kedma.

1 TAWARIKH 1:33

I Midian kino anak to momo'ane sanggo nu aha: i Efa, i Efer, i Hanokh, i Abida tiba i Eldaa.

AYUB 6:19

To mia-mian anu lumambanan aha monsake'i unta lengkat mae i Syeba ka' lengkat mae i Tema molio uee aijo' ka' mongima-imani da mohumpak.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

MAZMUR 72:15

Higahiakon na i tomundo salaku mian daka'! O'amalakon da nusombahkon mae nu aha Arab hi ia na mosoni'. O'amalakon da ia saja' odo'akon sansina-sinaa ka' mule' saja' mohumpak balakat.

YESAYA 21:13

Sumo uuka na potuunon mongkona Arab; O, belemiu mian nu Dedan, mian nu belemiu anu singkap mae nonsake'i unta binakemahmo itano' nu aha Arab anu kahomo kuhat.

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.

YEREMIA 49:8

O, mian anu jojoong i Dedan, pobalikmo ka' popadeka'mo! Lako'mo mamba paninsuluk. Ku hansunimo na lee' mae i Esau, kalana tempo'nyo tinokamo na Aku mohukumo aha.

YEHEZKIEL 25:13

Kalana aijo' Ku bebakonmo taalu' Aku mohukumo Edom ka' mompateimo iwi-iwi na manusia ka' mule' iwi-iwi na binatang anu kiijo' mae. Songko-songko na lipu' aijo' lengkat pe'e mae i kota' Teman toka-toka i kota' Dedan, Kupoliingmo madi'mo ko anu ohongo na potatae, miannyo anu kiijo' singkapmo silaka i uno nu pahampatean.

YEHEZKIEL 27:20

Mian anu jojoong i Dedan nombayanmo bala-balang nu beleyum tinolosan nu hude anu opake polatasi kasuhangan ihiku nu ajahan.

NOMBILANGMO 25:6

Salatan i Musa ka' iwi-iwi' na mian hau-haunyomo lewa'mo i humang i sabatan nu Kemah nu Tumpu, aha nontoamo mian nu Israel samian nomboamo samian na boune nu aha Midian ninsoopmo i uno nu kemahnyo.

NOMBILANGMO 31:2

“Balosakonmo na mian nu Midian kalana aha nombaumo apa-apaa hi bansa Israel. Lapas aijo' beleyum silakamo.”