1 SAMUEL 9:7 - KITAB NU TUMPU ALLA LELE MA'IMAI'

⁷ Koonyo i Saul, “De kita mamba hi ia apaa na anu obee'to hi ia? Mantu anu binoanto mae ningkotmo, madi'mo ko apa-apaa aiya hi kita na obee' hi posaihon nu Tumpu Allah aijo', kabai mosia o?”

1 SAMUEL 9:7 ပူးပေါင်းရင်းမြစ်များ

1 TOMU-TOMUNDO' 13:7

Lapas aijo' i tomundo' notataemo hi nabi aijo', “Imbo' da mamba mongkaan i laiganku. Aku kahanda' mombee'i palasen hi beleyum.”

1 TOMU-TOMUNDO' 14:3

Boai na ia sampulu' na batuan nu roti, kukis sangkiding tiba juu' nu uani' samboton. Pokilawa hi ia pa' apaa na jadi hi anakto i Abia. Nu poto'ije mae nu Nabi kiijo' hi beleyum.”

2 TOMU-TOMUNDO' 4:42

Daagi' mule' kino sinaa sangga'at, samian na mo'ane tinoka lengkat mae i Baal-Salisa. Ia nomboai mae i Elisa gandum anu sala'je pinadak ka' suele roti uwampulu' na batunyo, aijo'mo gandum anu momona pinadak i taun aijo' na binau. I Elisa nonsaimo posaihonnyo da mombagi-bagiakon roti aijo' hi nabi haha aijo',

2 TOMU-TOMUNDO' 5:15

Lantas ia ka' iwi-iwi' na anu nombatuki ia po'ule'mo namba hi Elisa. “Uuka aiya sinumbu'kuje,” na koonyo i Naaman hi Elisa. “Taalu' i songko-songko na dunia ola samian na Tumpu Allah. Aijo'mo Tumpu Allah anu osombah nu mian Israel. Kalana aijo' belento Tuan sanang ahi' mae na mongala anu ku bee' aiya.”

2 TOMU-TOMUNDO' 5:5

Koonyo nu tomundo' “Timbali lako'mo hi tomundo' nu Israel ku tulisje na sulat toka hi ia.” Jadi nambamo na i Naaman nomboa doi salaka' 30.000, doi mosoni' 6.000 ka' baju' toto ima-ima' 10 na pan.

2 TOMU-TOMUNDO' 8:8

pinoto'inyomo hi Hazael, samian na anu kopangkat, “Boai palasen na nabi kiijo', ka' poita da ia mompokilawakon hi Tumpu pa' aku aiya daagi' ma'alin kabai madi'mo.”

2 TOMU-TOMUNDO' 8:9

I Hazael nongalamo 40 na unta ka' pinaha posake'an apa-apaa na anu i humpak i kota Damsyik lantas nambamo hi Elisa. Salatan tinokamo i kajojoongan i Elisa, pinoto'imo i Hazael, “Posaihon nu belento i tomundo' Benhadad, nonsaimo mae aku da mompokilawakon pa' daagi' ia ma'alin kabai madi'mo.”

YEHEZKIEL 13:19

Belemiu nompopo ambangmo mae Aku ola kalana da mohumpak to pia-piangkakup na jelai tiba to pia-piangkolong na roti. To mia-mian anu madi' ko kasala'an opatei nu belemiu padahan anu aha to mia-mian anu pantasmo mate na ola ahi' opojohok nu belemiu tumuu'. Lantas mian anu palesayamo hi beleng-Ku obaleko'i nu belemiu sahingga aha palesayamo hi belemiu.’ ”

TO MIA-MIAN KOPIAN 6:18

Ku poita da sanang na belento Tumpu montanda'i pe'e i aiya da ku tatui pe'e anu okaan hi belento Tumpu.” “Timbali,” na koonyo nu Tumpu, “Ku tanda'i na beleyum sampe beleyum minsusule'mo mae.”