1 SAMUEL 9:25 - KITAB NU TUMPU ALLA LELE MA'IMAI'

²⁵ Lapas aijo' aha nintudunmo lengkat mae aita i tampat ponsomban ka' nambamo i kota'. I Saul suele binee'anmo kamale'an kiita i bangkala'

1 SAMUEL 9:25 ပူးပေါင်းရင်းမြစ်များ

2 SAMUEL 11:2

Daagi kino sansinaan mamalommo salatan i Daud nobulamo lengkat i hoyot ia ihoyot ia kinolalajangmo aita mae iloteng nu laigan nu tomundo' anu kakajojoongannyo aijo'. Ikiita' ia nontoamo samian na boune hau-haunyo mindii' ka' mule' boune aijo' handa hondo.

NEHEMIA 8:16

Lantas nambamo na mian da'isan nongala panga'nyo haha aijo'. Aha iwi-iwi' nombaumo tahop aita' i atop anu mahata i laigan nu aha, i natan nu laigan nu aha, i natan ahop nu Laigan nu Tumpu, i tano' anu ewa koko Sabatan Daka' Uee ka' i tano' anu ewa koko Sabatan Daka Efraim.

YEREMIA 19:13

Ingko-ingkot na laigan i Yerusalem ka' mule' ingko-ingkot na laigan nu to tomu-tomundo' i Yehuda timbalimo nahumimi' susumo Tofet; kalana aita' mae ibawo nu laigan haha aijo' pinompapuianmo nu mian kamangian anu sinombahkon hi to pilo-pilogot nu bagian langit, ka' mule' nonsombahkonmo anggur hi to pilo-pilogot sangga'at.”

MATIUS 10:27

Apaa na Kutaloakon hi beleyum i uno nu pintung tionyo o ulit miu ijingka de sinaamo. Ka' apaa na anu o oyongakon i bihingum, o sisikakon hi mian da'isan aijo' mana-manasa!

MATIUS 24:17

Mian anu kiita' i loteng nu laigan, bolimo mintau' mongala apa-apaa i uno nu laigan.

LUKAS 5:19

Panyo kalana mian talalo da'isan i kiijo' mae, aha madi' noko boa ninsoop. Kalana aijo' aha noliba'akon nokiita' i atop nu laigan. Lantas aha nontataki atop genting, ka' nontauhakon ia nohingga-hinggat ampas hi ahop i Yesus, i totonga' nu mian da'isan aijo'.

SISIKON NU TO RASUL-RASUL 10:9

Dodododopnyo sina-sinaa, hau-haunyo aha lumajang ka' malia'mo toka i Yope, i Petrus noliba' nokiita' i laigan ka' binalado'a.

PO'ULE' INGULIT 22:8

De belemiu mombaumo laigan, tionyo ahi' ojalaja'i nu belemiu na atopnyo tiku-tikup. Jadi madi' opokona hi belemiu na kasala'an anu manabu' aita' mae i atop aijo' lantas mate.

1 SAMUEL 9:26

lantas ia ihoyotmo. Salatan sinaa binete'mo, i Samuel nolagamo i Saul anu kiita i bangkala' ka' notatae, “Pobulamo, imbo' da ku boamo na beleyum minsusule'mo.”