1 SAMUEL 9:21 - KITAB NU TUMPU ALLA LELE MA'IMAI'

²¹ Tinaaman i Saul, “Aku aiya tulunan mae nu aha bansa Benyamin, tulunan nu bansa anu sangkiding hondo hi aha Israel ka' mule' to utu-utuskumo na anu madi' hondo ko alati'nyo hi aha tulunan nu bansa aijo'. Jadi kadaka' kita Tuuma motataemo sumo itina' hi belengku?”

1 SAMUEL 9:21 ပူးပေါင်းရင်းမြစ်များ

MAZMUR 68:27

“O, puji' na Tumpu hau-hau-Nyo mian anu palesayamo hi ia sihukmo, opuji' na Tumpu, o, belemiu iwi-iwi' na lee' i Yakub!”

MAZMUR 68:28

Benyamin tulunan mae nu bansa anu sangkiding hondo na miannyo ia ilumajang namba momona, lantas tinuntunanmo nu to pola-polaya' nu aha Yehuda, ka' aitu mae montuntuni to pola-polaya' nu aha Zebulon tiba Naftali.

HOSEA 13:1

Naipuan mae tulunan nu bansa Efraim o'angga'i hondo sahingga de kopalentahmo lengkat mae hi tulunan nu bansa aijo' to tulu-tulunan nu bansa sangga'at i Israel mabuhukmo. Panyo tulunan nu bansa Efraim binaladosa'mo, kalana nonsombahmo Baal.

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.

1 SAMUEL 14:51

I Kis tuuma i Saul ka' i Ner tuuma i Abner, to ana-anak mae i Abiel.

1 SAMUEL 15:17

I Samuel notataemo, “Te misa' belento Tomundo' tinimbalimo pamalentah hi aha to tulu-tulunan nu bansa Israel maumo ahi' belento Tomundo'mongakui butong nu belento madi' penting? Belento Tomundo' pinile'anmo nu Tumpu da timbali Tomundo hi aha Israel.

1 SAMUEL 18:18

Tinaaman i Daud, “Ihemo ahi' na aku aiya ka' suele ihemo ahi' na toutu-utus nu tuumangku anu madi' mingkaliangan hi aha mian nu Israel, sahingga aku aiya timbalimo monian nu belento Tomundo?”

1 SAMUEL 18:23

Panyo salatan pinotokamo nu aha hi Daud na tanga'an susumo aijo' tinaamannyomo, “Konto dengke na timbali monian nu tomundo'? Aku aiya mian anu kasiasi ka' mule' madi' kokaliangannyo!”

1 SAMUEL 9:22

Lapas aijo' i Samuel nongendemo i Saul tiba posaihonnyo da minsoopmo i uno nu salipi' anu ewa lantas binee'annyomo tampat anu talasanggo hi aha i ahop nu to mia-mian anu ilaga mongkaan, anu konjoo'nyo kila-kila aha tolumpulu' na mian.