1 SAMUEL 9:17 - KITAB NU TUMPU ALLA LELE MA'IMAI'

¹⁷ Salatan i Samuel nontoamo i Saul Tumpu notataemo hi ia, “Aiyamo na mian anu pinoto'ing-Kumo hi beleyum aijo'. Iamo na mompalentah mian anu pinalesayamo hi beleng-Ku.”

1 SAMUEL 9:17 ပူးပေါင်းရင်းမြစ်များ

NEHEMIA 13:19

Kalana aitu pinalentangkumo de susumo dodopmo na sinaa nu Sabat, uuka sinaa nu Jumat pihinyo, iwi-iwi na Sabatan Daka' nu kota' sampamo opahatumban de malomo, ka' madi'mo timbali otuhea'akon de ma'isa lapas na sinaa nu Sabat, jadi de malomo na sinaa nu Sabat aijo', timbalimo otuhea'akon. Lantas pinojoongkumo na to mia-mian i sabatan daka' haha aijo' montoa ka' montewa' da madi' timbali momposoop i kota' to bala-balang i sinaa nu Sabat.

NEHEMIA 13:25

Pinokinde'ankumo na aha ka' kinutukankumo. Daagi' ko anu dinokengkumo ka' kiniiskumo na ubak nu aha. Lapas aijo' pinalentangkumo na aha da basumpa' i sanggo nu Tumpu Allah da aha ka' to ana-anak nu aha madi'mo mo'osoa mogogalo'an tiba bansa sangga'at.

YEREMIA 32:8

Lantas sosok hondo susumo anu pinoto'imo nu Tumpu tinokamo mae na i Hanameel hi belengku ipopasan nu laigan nu tomundo' ka' nompoto'i da mongoli tano'nyo. Kalana aijo' aku iyakinmo taalu' Tumpu totu-totu'u ahi' notataemo mae hi belengku.

HOSEA 13:11

Notambuha' na Aku nombee'i tomundo' hi belemiu ka' notambuha' mule' na Aku po ule' nongalini tomundo' atina' hi belemiu.”

SISIKON NU TO RASUL-RASUL 13:21

Lapas aitu aha nompoita samian na tomundo. Tumpu nombee'mo aha i Saul anak i Kis lengkat i bansa Benyamin da bau tomundo nu aha kinopinnyo patompulu' na taun.

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.

1 SAMUEL 9:18

Tempo'nyo aitu i Saul nongohanimo i Samuel koko sabatan daka' nu kota', ka' nompokilawamo, “Tabea' pe'e kita Tuumangku, iya na laigan nu mian anu monsumbu' montahi'i?”