1 SAMUEL 9:16 - KITAB NU TUMPU ALLA LELE MA'IMAI'

¹⁶ “Dodop subu-subu kila-kila sumo uuka aiya Ku saimo mae na samian aha tulunan mae nu bansa Benyamin monsingkaboti beleyum. Hangkatmo na ia da timbali polaya' ka' obalakati, ka' odudu'i lanya' susumo anu saja'mo obau de mohangkatmo tomundo' hi aha mian nu Israel, anu pinalesayamo hi beleng-Ku, Iamo na momposalamat mian anu pinalesayamo hi beleng-Ku da bolimo nu poposia nu aha mian Filistin. Tinoang-Kumo na kasansala'an nu aha mian anu pinalesayamo hi beleng-Ku ka' nohongomo aha i humang nomoita tulung.”

1 SAMUEL 9:16 ပူးပေါင်းရင်းမြစ်များ

2 SAMUEL 3:18

Jadi aiyamo na kasampatan nu belemiu. Boli okolilimi, Tumpu binalajanji'mo hi Daud tukoo-Nyo ia mongalamo i Daud da momposalamat mian nu Israel da bolimo nu pahampateakon nu aha mian Filistin ka' mule' iwi-iwi' na sampo bali'nyo sangga'at.”

2 TOMU-TOMUNDO' 20:5

da po'ule' minsusule' hi Hizkia, tomundo' nu mian anu pinalesayamo hi Tumpu ka' mompoto'i potunonku sumo uuka, “Aku Tumpu, Tumpu Allah anu nusombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Ku po'alinmo na beleyum hipuan beleyum mambamo i laigan-Ku.

MAZMUR 102:1

Do'a nu mian anu sinansalamo ka' nalawemo hondo, nompoto'imo kasansalannyo hi Tumpu.

MAZMUR 106:44

Panyo ihongomo mae nu Tumpu na aha nolobo', ia nonginau'mo kasusa'an nu aha.

MAZMUR 25:18

Toakon mae na kasansala'anku ka' kasusa'anku, ka' ampuniakon mae na dosa'ku iwi-iwi'.

AMSAL 16:9

Manusia timbali mombau tanga'an; panyo Tumpu Allah na montantukan jalan nu kantumuu'annyo.

YEREMIA 32:8

Lantas sosok hondo susumo anu pinoto'imo nu Tumpu tinokamo mae na i Hanameel hi belengku ipopasan nu laigan nu tomundo' ka' nompoto'i da mongoli tano'nyo. Kalana aijo' aku iyakinmo taalu' Tumpu totu-totu'u ahi' notataemo mae hi belengku.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 14:20

Lantas i Saul tiba to mia-mian anu nonsangalui ia nambamo lia-lia' i tampat pahampatean. Ikiijo' mae tinoamo nu aha na mian nu Filistin nosungkehetmo; madi'mo nompahasumbu-sumbu' na aha pa'ihe na opahampateiakon; posi-posi aha nompaha pate-pateimo samian ka' samian.

1 SAMUEL 14:23

Aha nahampate nontuusakon jalan tinoka-toka noliu-liu Bet-Awen. Tumpu nomposalamatmo Israel sinaa aitu.

1 SAMUEL 15:1

Daagi kinosansinaan i Samuel notataemo hi Saul, “Tumpu na nonsai aku nohangkat belento binau Tomundo' nu aha Israel mian anu pinalesayamo hi Ia. Mokonyo aijo' belento Tomundo' tionyo ahi' mohongo palentah nu Tumpu Anu Daka' na kuasanyo.

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”

1 SAMUEL 16:3

Lantas olaga na i Isai da mamba i tampat pongkolobanakonan koloban aijo'. Kupoto'ije apaa na anu tionyo ahi' nu bau nu beleyum. Mian anu Kupotiju' hi beleyum tionyo ahi' nu hangkat ka' obalakati da timbalimo tomundo'.”