1 SAMUEL 9:12 - KITAB NU TUMPU ALLA LELE MA'IMAI'

^12-13 “Ii' daagi”, tinaaman nu langkoyang haha aijo', “sala'je uuka na ia notulu madi' pinin belemiu tinokamo mae. De belemiu malia' na lumajang, ugaat osampamo nu belemiu. Ia sala'je tinoka i kota kalana sinaa aiya kiita i Mezbah i bungkutnyo daagi' ko anu monsombahkon koloban na aha mian da'isan. To mia-mian anu i laga mongkaan ma'isa mongkaan de ia ma'isa toka, kalana ia na tionyo ahi' mombalakati pe'e koloban aijo'. De belemiu mambamo uuka aiya daagi otokai nu belemiu ma'isa pe'e mindako i bungkutnyo mamba mongkaan.”

1 SAMUEL 9:12 ပူးပေါင်းရင်းမြစ်များ

KAJADIAN 31:54

Ia nongkolotmo sa'angu na binatang ka' sinombahkonnyomo aita' i puge'nyo aijo'. Lantas i laganyomo na to mia-mian da mongkaan hingga-hinggat. Noko kaan aha i nale'mo i bungkutnyo aijo'.

1 TAWARIKH 16:39

Panyo i Zadok tiba to ima-imam sangga'at binee'an kalaja anu saja' mongulus de monsombahmo i tampat ponsomban Tumpu anu kiijo' i Gibeon.

1 SAMUEL 10:5

Lapas aijo' beleyum tionyo ahi' mambamo ibungkutnyo nu Tumpu Allah kiijo' i Gibea, tampat binakemah'an nu aha mian Filistin. Isabatan pinsoopan mokiijo' i kota', beleyum mojajalanmo tiba aha sanggombu na to nabi-nabi anu nintudunmo mae lengkat i bungkutnyo anu ponsombahkonan koloban. Aha lewa' monsalelei ka' lewa' molo'ais, mongkuti' gambus, mohapa'i gandang, mompuuhi puloit ka' mongkuti' kasapi'.

1 SAMUEL 16:2

Panyo tinaaman i Samuel, “Mosia na aku tionyo ahi' mombau? De lele aijo' nu hongo i Saul tantu aku nu pateimo!” Tinaaman nu Tumpu, “Boa sa'angu' na sapi' anu daagi bata'nyo ka' poto'i hi aha mian da'isan saba' beleyum mamba mokiijo' monsombahkon koloban hi Tumpu.

1 SAMUEL 2:35

Lapas aijo' Aku mompile'ije imam anu tulu-tulutan hi belengku ka' anu mombau apaa na anu Ku palentahkon hi ia. Ku bee'ije na ia tulunan anu saja mombau kalaja nu imam i ahop nu to tomu-tomundo' anu Ku pile'imo.

1 SAMUEL 20:6

De tuuma nu beleyum mompokilawa kadaka' aku madi' tinoka, poto'i hi ia, saba' aku nompoitamo siloloa hi beleyum da madi' toka, kalana minsusule'mo i Betlehem, ikiijo' mae to utu-utusku iwi-iwi' mongkolobanakonmo koloban anu saja' obau sataun toka sataun.

1 SAMUEL 7:17

Saja' sumo aijo' na nu bau, ka' de lapasmo ia minsusule'mo ilaigannyo kiijo' i Rama. Ikiijo' mae ia tinimbalimo mian kopian nu aha mian Israel, ka' mule' nompotinjomo sa'angu' na mezbah ponsomban Tumpu.