1 SAMUEL 8:3 - KITAB NU TUMPU ALLA LELE MA'IMAI'

³ Panyo aha madi'mo nontiho kalakuan nu tuuma nu aha, panyo ola molio posi kauntungan nu aha. Aha mongala doi bau pontamboi palakala, ka' mongulus palakala nu mian madi' adin.

1 SAMUEL 8:3 ပူးပေါင်းရင်းမြစ်များ

2 SAMUEL 15:4

Lapas aijo' po ule' mule' nu taloakon, “Soba de aku na timbali mian kopian tantu toto samian na anu toka mae mongkalak pahantuda'an kabai montuntut apa-apaa timbali toka mae hi belengku, ku ulusje ma'i-ma'ima'ka' adin hondo.”

MAZMUR 15:5

ka' monsaboli doi madi' pilenje mongala ueenyo; anu madi' mongka'oho' mongala doi bau pontamboi da opolugi' na mian anu madi' ko kasala'annyo. Mian anu saja' mombau susumo aijo', saja' sanang na ia mingkinyonyoa.

MAZMUR 26:10

Aha saja'mo nombau palabuatan anu ma'idek, ka' saja' mongindi da otamboi na mombau palabuatan anu ma'idek.

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

NOSABATMO 23:6

O'ulus na mian misikin adi-adin de ia toka mongkalak palakalanyo hi mian kopian.

NOSABATMO 23:8

Boli mongala doi pombayan palakala da otinjohi na mian aijo', kalana doi pombayan palakala aijo' mompopaha mian sahingga madi'mo montoa anu totu'u ka' mompolugi'mo to mia-mian anu madi' ko sala'nyo.

ANU MOMPOLELE POTATAE NU TUMPU 2:19

Ka' ihe na monsumbu' pa' ia anu pande kabai anu ponga'? Panyo maumo pa' mosia ia ahi' na timbali montumpui hasin nu kalajangku anu bibinaungkumo tempo'nyo tinumuu' i dunia aiya, salaku balakat nu lawengku tiba kapandeanku bapikin. Jadi aijo' suele madi' ahi' ko gunanyo.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 33:15

Belemiu timbali moko ala tumuu' de belemiu motatae, ka' mombau anu sahondo-hondonyo. Boli molio ka untungan ka' sola' mompolugi' mian anu kasiasi, ka' boli ahi' mongala doi anu bau ponsogo' nu mian. Boli maninggalum hi aha mian anu saja' montanga'i da mompatei mian kabai palabuatan ma'idek sangga'at.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

1 SAMUEL 12:2

Otampu'uni uuka aiya iamo na mompalentah belemiu. Toa mae aku aiya ilangkai'mo ka' inguanonmo. Aku pininmo hondo na nompalentah belemiu – daagi pe'e aku olitau sampe uuka aiya. Anu bau pontoan aijo'mo to ana-anaku anu singkapmo dinaka' aitu.

1 SAMUEL 2:35

Lapas aijo' Aku mompile'ije imam anu tulu-tulutan hi belengku ka' anu mombau apaa na anu Ku palentahkon hi ia. Ku bee'ije na ia tulunan anu saja mombau kalaja nu imam i ahop nu to tomu-tomundo' anu Ku pile'imo.