1 SAMUEL 8:20 - KITAB NU TUMPU ALLA LELE MA'IMAI'

²⁰ Kami mongkahanda'imo da pokakana tiba aha bansa sangga'at, tomundo' mami tionyo ahi' mompalentah kami ka' molaya' kami i uno nu pahampatean.”

1 SAMUEL 8:20 ပူးပေါင်းရင်းမြစ်များ

MAZMUR 106:35

Pakalaus aha mule' no'osoamo tiba to bansa-bansa sangga'at haha aijo', ka' aha nontihomo kabiasa'an nu mian anu madi' monsumbu' Tumpu.

NOSABATMO 33:16

Mosia na mian monsumbu' taalu' Belento sanang hi belengku ka' hi bansa aiya de belento madi' montulungi kami? Tumpu saja' hingga-hinggat tiba kami aijo'mo na salaku tanda saba' kami madi' pokakana tiba bansa-bansa sangga'at i dunia aiya.”

NOMBILANGMO 23:9

Lengkat mae aita' i bungkutnyo iwi-iwi' tinoangkumo na aha; lengkat mae aita' i puge'nyo iwi-iwi' tinanggalakonkumo na aha. Toa, sa'angu' na bansa nosi po'iwi'mo madi' minsoop hi tompukan nu bansa-bansa sangga'at.

YOHANES 15:19

De komiu dunia na tumpunyo, komiu nukalibosi nu dunia, kalana ia na tumpunyo. Panyo Aku nompile'imo komiu lengkat i dunia aiya, sahingga komiu misa'mo anu nu dunia. Mokonyo aitu dunia mongka'ideki komiu.

ROMA 12:12

Tionyo kita Utus saja' montaha'imani Tumpu ka' saja' lame', sabaanakon na kasusa'an, ka' saja' balado'a.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

PO'ULE' INGULIT 7:6

Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

FILIPI 3:20

Panyo kita aijo' mian nu Kalaja'an Suluga'. Lengkat mae kiita' suele na pinolengkatan nu Tomundo Anu Momposalamat kita, Tumpunto i Yesus Kristus anu saidi' mae toka. Iamo na anu saja' o'indinto otanda'i.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 SAMUEL 12:12

Panyo salatan belemiu nontoamo taalu' belemiu nu tumbuhimo i Nahas tomundo' nu aha Amon, belemiu madi'mo nongakui Tumpu salaku tomundo' nu belemiu ka' nompoto'imo hi belengku, 'Kami mongka'oho' mo da opalentahmo nu samian na tomundo.'

1 SAMUEL 12:2

Otampu'uni uuka aiya iamo na mompalentah belemiu. Toa mae aku aiya ilangkai'mo ka' inguanonmo. Aku pininmo hondo na nompalentah belemiu – daagi pe'e aku olitau sampe uuka aiya. Anu bau pontoan aijo'mo to ana-anaku anu singkapmo dinaka' aitu.

1 SAMUEL 8:5

ka'notatae hi ia, “Potombihing mae kita Tuuma, belento tuuma ilangkai'mo ka' mule' to ana-anak nu belento Tuuma madi'mo nontiho kalakuan nu belento Tuuma. Jadi sahanyo belento Tuuma mohangkatmo samian na tomundo' da kami ko tomundo'mo susumo aha bansa sangga'at.”