1 SAMUEL 8:11 - KITAB NU TUMPU ALLA LELE MA'IMAI'

¹¹ “Sumo uuka de samian na tomundo nu belemiu mompalentahmo belemiu,” sumo uuka na i Samuel nontutuhakon. “Nupakisa na to ana-anak nu belemiu da bau suludadu; sambagian na aha opotimbali suludadu sumake' i kareta, sambagian bau suludadu monsake'i ajahan, ka' sambagian mule' bau suludadu lumajang tengke.

1 SAMUEL 8:11 ပူးပေါင်းရင်းမြစ်များ

2 SAMUEL 15:1

Lapasa aijo' i Absalom nompotokamo sa'angu' na kaleta tibamo ajahannyo anu opake mahampate ka' aha limampulu' na mian anu monsangalui ia.

1 TOMU-TOMUNDO' 1:5

Kalana i Absalom sinilakamo, sahingga i Adonia, anak mo'ane i Daud anu ko ohua'nyo na tinimbalimo anu tumpenyo. Tinanyo i Hagit na sanggonyo. I Adonia olitau hondo. Tuumanyo madi' toho' montambuha'i ia de ia mombau kasala'an. I Adonia mongka'ima'i hondo bau Tomundo' sahingga ia nomposadiamo kareta bau pahampate ka' suludadu anu monsake'i ajahan ka' aha limampulu' na suludadu anu monjagai ia

1 TOMU-TOMUNDO' 10:26

I Salomo nohangkatmo suludadu anu bau pahampate aijo'mo 1.400 na kareta opake mahampate, ka' 12.000 na suludadu anu monsake'i ajahan. Sambagian pinojoongmo i Yerusalem, ka' labinyo pinojoongnyo i kota sangga'at.

1 TOMU-TOMUNDO' 12:10

Tinaaman nu aha, “Sumo uuka na opoto'i nu belento Tomundo' hi aha, 'Mau mule' akumo aiya na anu madi' moko ala mompalentah panyo' kamampuan nu tuumangku mompalentah daagi' ahi' aku na lebe mampu!'

1 TOMU-TOMUNDO' 12:4

“I Salomo tuuma nu belento Tomundo' nombee'mo kalaja hi kami anu maboat hondo. Jadi uuka aiya de belento Tomundo' madi'mo mae talalo mompiboati kami nu kalaja ka' oga'aimo na kasansala'an mami, kami ba Tomundo mo hi Belento.”

1 TOMU-TOMUNDO' 14:27

Ka' salaku binau pombolosi i Tomundo' Rehabeam noki baumo to kanta-kanta tambaga ka' pinoki jagannyomo hi to sulu-suludadu anu monjagai sabatan daka' laigan nu tomundo'.

1 TOMU-TOMUNDO' 18:46

Tempo'nyo aijo' i Elia nohumpakmo kahosonan lengkat mae hi Tumpu. Kinekesnyomo na juba'nyo nokiita' i kompongnyo lantas ia nopadeka'mo so' i liu-liunyo na i Ahab tinoka-toka i sabatan daka' nu kota Yizreel.

1 SAMUEL 10:25

Lapas aijo' i Saul nontutuhakonmo hi bansa aijo' mongkona hak ka' anu nu kalaja nu tomundo', lantas tinulisnyomo i sa'angu' na kitab ka' pino'una'mo i tampat Susi'. Lapas aijo' i Samuel nonsaimo bansa aijo' iwi-iwi' da minsusule'mo i laigannyo toto samian.

1 SAMUEL 14:52

Tempo'nyo ia daagi tutuu' saja' hondo nahampate totu-totu'u nongewa mian nu aha Filistin. Mokonyo aijo' de i Saul montoamo mian anu mahoson ka' baani, lia-lia' na nu hangkat da bau suludadunyo.

1 SAMUEL 22:7

ia notataemo hi to kapa-kapala nu suludadunyo haha aijo', “Soba potombihing mae belemiu to mia-mian nu Benyamin! Te i Daud aijo' mombee'imo belemiu tano' tiba ale' nu anggur? Te belemiu iwi-iwi' ohangkatmo bau kapala nu suludadunyo?

1 SAMUEL 8:9

Mokonyo aijo' popo ii'mo na poitaon nu aha; panyo pagala ahi' pokinde'i na aha ka' poto'i mosia na aha saidi'mae de nu palentahmo nu tomundo'.”