1 SAMUEL 7:9 - KITAB NU TUMPU ALLA LELE MA'IMAI'

⁹ Kalana aijo' i Samuel nongkolotmo sa'angu' na anak nu domba anu daagi bata'nyo lantas sinombahkonnyomo salaku bau koloban hi Tumpu anu opotunu. Lapas aijo' ia binalado'amo hi Tumpu da otulungi mae na mian nu Israel, ka' do'anyo aijo' tinalima-Nyomo.

1 SAMUEL 7:9 ပူးပေါင်းရင်းမြစ်များ

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

PO'ULE' INGULIT 9:26

ka' binalado'a sumo uuka: O Tumpu Anu Matangkas na kuasanyo, boli osilakai na mian anu kitamo Tumpu na tumpunyo aiya. Bansa anu pinobebasmo nu belento ka' i laya'mo mae nu belento nosabat mae lengkat i Mesir tiba kahosonan ka' kakuasaan Nu belento anu daka'.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

TO MIA-MIAN KOPIAN 6:26

Potinjo i tambulannyo aijo' sa'angu' na mezbah anu lewa'mo tinutugan ima-ima'. Lapas aitu sapi' lakinyo aijo' iwi-iwi' tionyo ahi' nu potunu salaku bau koloban hi Tumpu. O ala na ohi' anu binau pontandai Pilogot boune Asyera anu tinua'akonmo nu beleyum aijo' da bau kau' anu oposun.”

TO MIA-MIAN KOPIAN 6:28

Salatan anu jojoong i kota aijo' nobulamo dodododopnyo subu-subu tinoamo nu aha na mezbah ponsomban Baal ka' ohi'nyo anu pontandai pilogot boune Asyera notua'mo. Ka' tinoa mule' nu aha na tampat aijo' pinotinjoanmo sa'angu' na mezbah ka' mule' pinompotunuanmo sapi' lakinyo salaku koloban.

1 SAMUEL 10:8

Lapas aijo' beleyum tionyo ahai' mambamo i Gilgal ka' otanda'i kiijo' mae pitunsinaa. Tokaje na aku monsombahkon koloban bau pompodame ka' mompoto'i hi beleyum apaa na anu tionyo ahi' nu bau nu beleyum.”

1 SAMUEL 12:17

Kupoitakonje hi Tumpu sahingga maumo uuka tempo'mo nu posinaa, nu tudunakonje nu Tumpu na gohung tiba ujan salaku bau pontaami-Nyo do'angku. Tokaje na tempo'nyo aijo' belemiu sinsumbu'je mosia na kodaka'nyo na dosa' nu belemiu hi Tumpu kalana nompoitamo samian na tomundo.”

1 SAMUEL 16:2

Panyo tinaaman i Samuel, “Mosia na aku tionyo ahi' mombau? De lele aijo' nu hongo i Saul tantu aku nu pateimo!” Tinaaman nu Tumpu, “Boa sa'angu' na sapi' anu daagi bata'nyo ka' poto'i hi aha mian da'isan saba' beleyum mamba mokiijo' monsombahkon koloban hi Tumpu.

1 SAMUEL 2:35

Lapas aijo' Aku mompile'ije imam anu tulu-tulutan hi belengku ka' anu mombau apaa na anu Ku palentahkon hi ia. Ku bee'ije na ia tulunan anu saja mombau kalaja nu imam i ahop nu to tomu-tomundo' anu Ku pile'imo.

1 SAMUEL 7:17

Saja' sumo aijo' na nu bau, ka' de lapasmo ia minsusule'mo ilaigannyo kiijo' i Rama. Ikiijo' mae ia tinimbalimo mian kopian nu aha mian Israel, ka' mule' nompotinjomo sa'angu' na mezbah ponsomban Tumpu.

1 SAMUEL 9:12

“Ii' daagi”, tinaaman nu langkoyang haha aijo', “sala'je uuka na ia notulu madi' pinin belemiu tinokamo mae. De belemiu malia' na lumajang, ugaat osampamo nu belemiu. Ia sala'je tinoka i kota kalana sinaa aiya kiita i Mezbah i bungkutnyo daagi' ko anu monsombahkon koloban na aha mian da'isan. To mia-mian anu i laga mongkaan ma'isa mongkaan de ia ma'isa toka, kalana ia na tionyo ahi' mombalakati pe'e koloban aijo'. De belemiu mambamo uuka aiya daagi otokai nu belemiu ma'isa pe'e mindako i bungkutnyo mamba mongkaan.”