1 SAMUEL 7:8 - KITAB NU TUMPU ALLA LELE MA'IMAI'

⁸ Aha notataemo hi Samuel, “Sabole-bole pe'e mae balado'a hi Tumpu Allah-nto da kita nu posalamat boli nu poposia nu aha mian Filistin.”

1 SAMUEL 7:8 ပူးပေါင်းရင်းမြစ်များ

YESAYA 37:4

Tomundo' nu aha Asyur nonsaimo mae suludadunyo mata-matangkas na pangkatnyo da mompopo ambang Tumpu anu tumuu'. Ihe anu monsumbu' pa' Tumpu nohongomo mae anu binau pinopo ambang nu aha aijo' ka' mohukumo aha anu nontaloakonmo mae aijo'! Kalana aijo' balado'amo hi Tumpu da nu tulungi mae na kita to mia-mian anu daagi' tutuu'.”

YESAYA 62:1

Kalana Yerusalem sahingga aku motataemo, kalana Sion sahingga aku madi' ola momohokot, sampe ia momposalamatmo ka' kamenangannyo majingkamo susumo potong de pihimo.

YEREMIA 27:18

De memang ahi' aha totu'u nabi, ka' nontalimamo potuunon lengkat hi beleng-Ku, tantu aha uuka aiya nomoitamo mae hi beleng-Ku, Tumpu Anu Mahakuasa da to bala-balang anu daagi' i uno nu Laigan-Ku tiba anu daagi' i laigan nu tomundo' i Yerusalem madi' binoa i Babel.

YEREMIA 42:2

hi belengku ka' nompoto'i, “Kita tuuma, susumo anu pinosi toamo nu kita Tuuma, kami aiya naipuan mae manjoo', panyo uuka aiya me sangkiding. Opoita mami kita Tuuma da mondo'akon mae kami hi Tumpu Allah anu nu sombah nu kita Tuuma. Do'akon mae na kami anu daagi' tinontuha' aiya,

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.