1 SAMUEL 7:2 - KITAB NU TUMPU ALLA LELE MA'IMAI'

² Pinin suele na Peti' Palajanjian nu Tumpu aijo' inguna' kiijo' i Kiryat-Yearim, kila-kila inguampulu' na taun. Tempo'nyo aijo' iwi-iwi' na aha mian nu Israel saja'mo nomoita tulung hi Tumpu.

1 SAMUEL 7:2 ပူးပေါင်းရင်းမြစ်များ

1 TAWARIKH 13:3

Lantas mambamo o'alanto na Peti' Palajanjian nu Tumpu Allah, anu madi'mo kinalesang tempo'nyo i Tomundo' Saul nompalentah.”

1 TAWARIKH 13:5

Jadi pinosihukmo i Daud na mian da'isan nu aha Israel songko-songko na lipu', lengkat pe'e mae i potempasan tiba Mesir sasu salatan toka-toka i jalan mamba i Hamat sasu utara, da mambamo mongala Peti' Palajanjian aijo' i Kiryat-Yearim ka' oboamo mae i Yerusalem.

YEREMIA 26:20

Daagi' toho' suele kino samian notatae mongka'ideki kota' tiba bansa aiya nompake atas sanggo nu Tumpu, susumo anu binaungkumo aiya. Mian aijo' sanggonyo i Uria anak i Semaya anu lengkat mae i Kiryat-Yearim.

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

TO MIA-MIAN KOPIAN 2:4

Salatan malaekat aijo' noko poto'imo lele aijo', iwi-iwi' na bansa Israel nolotando'mo na i humang.

1 SAMUEL 7:1

Sahingga mian anu jojoong i Kiryat-Yearim nongalamo Peti' Palajanjian nu Tumpu aijo' ka' binoanyomo i uno nu laigannyo nu mian anu sanggonyo i Abinadab; laigan aijo' binau aita i bawo nu bungkutnyo. Lapas aijo' nohangkatmo ka nombalakatimo i Eleazar anak i Abinadab da monjagai Peti' Palajanjian nu Tumpu aijo'.

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”