1 SAMUEL 7:12 - KITAB NU TUMPU ALLA LELE MA'IMAI'

¹² Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”

1 SAMUEL 7:12 ပူးပေါင်းရင်းမြစ်များ

KAJADIAN 22:14

I Abraham nonsanggohimo tampat aijo', “Tumpu nontoukaimo anu opalalui.” Ka' sampe uuka aiya mian montaloakonmo, “Aita' i bungkutnyo nu Tumpu, Tumpu nontoukaimo anu opalalui.”

KAJADIAN 35:14

I tampat nu Tumpu Allah notatae hi Yakub aijo', pinotinjonyomo sa'angu' na batu salaku bau pontandai. Lantas batu aijo' sinombahkonnyomo hi Tumpu Allah aijo'mo dinudu'annyomo nu anggur ka' lanya' nu zaitun i batu aijo'.

MAZMUR 71:17

O Tumpu, Belento nompokinde'imo mae aku salatanmo pe'e ma'isa i langkai' ka' binegkele', sangkut uuka aiya ku sisikakon na kalaja nu Belento anu okabangangi hondo.

MAZMUR 71:6

Sumo uukamo na kinopinno na aku tinumuu', aku ola saja' maninseha hi Belento; Belento nonjagaimo mae aku salatanmo pe'e aku i hampe, sahingga aku saja' mompuji' Belento.

NOSABATMO 17:15

Lantas i Musa nompotinjomo sa'angu na mezbah ka' sinanggohannyomo “Tumpu aijo'mo na nompo untung aku Nahampate.”

YESAYA 19:19

Tempo'nyo aijo' ipuso nu lipu' Mesir daagi'mo ko sa'angu' na mezbah bau ponsomban Tumpu, ka' ipotempasannyo sa'angu' na ohi' batu anu salaku bau tanda monginau' Tumpu.

SISIKON NU TO RASUL-RASUL 26:22

Panyo sampe tinoka i tempo' aiya aku jinagaan nu Tumpu Allah, sahingga aku tuminjo aiya mombee'i katalangan hi iwi-iwi' mian – anu ko pangkatnyo tiba anu madi' ko pangkatnyo. Apaa na anu tinaloakonkumo aiya madi' ko sangalasannyo aijo'mo na anu sinisikakonmo nu to nabi-nabi ka' i Musa;

2 KORINTUS 1:10

Iamo na anu nomposalamatmo kami i balaa' nu kapatean anu daka' aijo'. Ka' Iamo suele na momposalamat kami i sinaa imihinyo mae, kalana ola hi Ia na kataha'imanan mami.

YOSUA 4:9

I totonga' nu Yordan aijo' suele i Yosua nompotambunmo sampulu' ka' ohua' na batu i tampat kinatinjoan nu to ima-imam anu nolemban Peti' Palajanjian aijo'. (Batu haha aijo' daagi' sabole-bole ikiijo' sampe tempo' uuka aiya.)

1 SAMUEL 14:35

Lantas pinotinjomo i Saul na mezbah da bau ponsomban Tumpu; aijo'mo na mezbah anu momona binaunyo.

1 SAMUEL 4:1

Tempo'nyo aijo' aha mian Filistin nompalentahmo suludadu nu aha iwi-iwi' da montumbuhimo Israel; kalana aijo' suele suludadu nu Israel nambamo i tampat pahampaten, aha nombaumo kemah koko Eben-Haezer, ka' mule' suludadu nu aha Filistin suele nombaumo kemah i Afek.

1 SAMUEL 5:1

Salatan ingagoanmo nu aha mian Filistin na Peti' Palajanjian nu Tumpu Allah, lantas binoamo nu aha lengkat mae i Eben-Heizer namba i kota Asdod.

1 SAMUEL 7:11

Suludadu nu aha Israel nosabatmo mae kiijo' i Mizpa lantas nololoi'mo aha mian nu Filistin, kojo'onnyo me sangkiding tinokamo i Bet-Kar, ka' nohopu'imo aha anu iloloi' aijo'.