1 SAMUEL 7:11 - KITAB NU TUMPU ALLA LELE MA'IMAI'

¹¹ Suludadu nu aha Israel nosabatmo mae kiijo' i Mizpa lantas nololoi'mo aha mian nu Filistin, kojo'onnyo me sangkiding tinokamo i Bet-Kar, ka' nohopu'imo aha anu iloloi' aijo'.

1 SAMUEL 7:11 ပူးပေါင်းရင်းမြစ်များ

YOSUA 10:10

Pinotimbalimo nu Tumpu na aha mian nu Amori madi' noko ala gawe salatan nontoamo suludadu nu Israel. Manjoo' na aha mian nu Amori pinatean kiijo' i Gibeon, ka' anu daagi' tutuu' i loloi'mo nokaiyong i tengke nu bungkutnyo nu Bet-Heron kojo'onnyo tinoka-toka i Azeka ka' Makeda i sasu selatan.

1 SAMUEL 7:10

Tempo'nyo i Samuel nonsombahkonmo koloban anu pinotunu aijo' aha mian nu Filistin nontumbuhimo mae; panyo tempo'nyo aijo' suele Tumpu nompotokamo mae gohung aita i langit nokiijo' hi aha. Aha naha popadeka'anmo madi'mo sinumbu-sumbu' pa' moya moyamo na kalambanan.

1 SAMUEL 7:12

Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”