1 SAMUEL 7:10 - KITAB NU TUMPU ALLA LELE MA'IMAI'

¹⁰ Tempo'nyo i Samuel nonsombahkonmo koloban anu pinotunu aijo' aha mian nu Filistin nontumbuhimo mae; panyo tempo'nyo aijo' suele Tumpu nompotokamo mae gohung aita i langit nokiijo' hi aha. Aha naha popadeka'anmo madi'mo sinumbu-sumbu' pa' moya moyamo na kalambanan.

1 SAMUEL 7:10 ပူးပေါင်းရင်းမြစ်များ

MAZMUR 18:15

Ia nompana'akonmo pana'-Nyo iwi-iwi' ka' nomposungkehetmo sampobali'-Nyo; Ia nompo'uli-ulitmo kilatnyo pinoji-pojihinjit, ka' aha nopalaimo.

MAZMUR 29:3

Tumpu anu oholomati hondo sumomo ahi' gohung ibawo nu ambai potatae-Nyo naloungmo ibawo nu ndalangon.

MAZMUR 29:4

Potatae nu Tumpu ihongomo kaho kuasa ka' mule' talalo ahi' okalame'i.

MAZMUR 78:66

Ia nompahampateakonmo anu nongewamo ia sahingga nopalaimo na aha ka' nompatundu'mo aha sampe toka sidu-sidutu'.

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

PO'ULE' INGULIT 28:7

De belemiu otumbuhimo, Tumpuje na mohungku'i sampobali' nu belemiu. Mau tangatunmo ka' mahosonmo na aha montumbuhi mae, panyo aha malai ka' mosubali.

YOSUA 10:10

Pinotimbalimo nu Tumpu na aha mian nu Amori madi' noko ala gawe salatan nontoamo suludadu nu Israel. Manjoo' na aha mian nu Amori pinatean kiijo' i Gibeon, ka' anu daagi' tutuu' i loloi'mo nokaiyong i tengke nu bungkutnyo nu Bet-Heron kojo'onnyo tinoka-toka i Azeka ka' Makeda i sasu selatan.

TO MIA-MIAN KOPIAN 4:15

Lapas aijo' nontumbuhimo i Sisera. Ka' Tumpu nomposungkehetmo iwi-iwi' na gombuan nu suludadu i Sisera ka' to kare-kareta anu bau pahampatenyo sahingga i Sisera nintatau'mo madi'mo naninsake' i karetanyo, lantas nopalaimo i lumajang tengke.

TO MIA-MIAN KOPIAN 5:20

to manda-mandala' suele nahampatemo nongewa Sisera, lengkat mae aita' i langa.

TO MIA-MIAN KOPIAN 5:8

Salatan Israel nonsombahmo pilogot, sinidamo na pahampatean i lipu' nu aha; aha anu 40.000 na suludadu nu bansa, mau pe'e ola samian madi' ko anu nontangkakon pimuhuknyo.

1 SAMUEL 12:17

Kupoitakonje hi Tumpu sahingga maumo uuka tempo'mo nu posinaa, nu tudunakonje nu Tumpu na gohung tiba ujan salaku bau pontaami-Nyo do'angku. Tokaje na tempo'nyo aijo' belemiu sinsumbu'je mosia na kodaka'nyo na dosa' nu belemiu hi Tumpu kalana nompoitamo samian na tomundo.”

1 SAMUEL 14:15

Apaa na anu jinadimo aijo' nompotolokengkengmo aha mian nu Filistin anu kiijo' i binakemah'an ka' anu jojoong i tampat anu ola saja' padang. Iwi-iwi' na aha mian nu Filistin tibamo iwi-iwi' na ponjaga'an ka' mule' gombuan iwi-iwi' nu tololang nabuhukmo sadaang tano' ginayu'an ka' pikilan nu aha mule' kinalangkabutmo.

1 SAMUEL 2:10

Anu monsampobali' Tumpu opatei madi' ko anu tontuha', aha mabuhukmo; aita' mae i langit lumontupmo na gohung-Nyo, Tumpu na momputusi palakala nu dunia songko-songko, Ka' mombee'i kuasa anu talasanggo, hi tomundo' anu pinile'an-Nyomo.”

1 SAMUEL 7:11

Suludadu nu aha Israel nosabatmo mae kiijo' i Mizpa lantas nololoi'mo aha mian nu Filistin, kojo'onnyo me sangkiding tinokamo i Bet-Kar, ka' nohopu'imo aha anu iloloi' aijo'.