1 SAMUEL 7:1 - KITAB NU TUMPU ALLA LELE MA'IMAI'

¹ Sahingga mian anu jojoong i Kiryat-Yearim nongalamo Peti' Palajanjian nu Tumpu aijo' ka' binoanyomo i uno nu laigannyo nu mian anu sanggonyo i Abinadab; laigan aijo' binau aita i bawo nu bungkutnyo. Lapas aijo' nohangkatmo ka nombalakatimo i Eleazar anak i Abinadab da monjagai Peti' Palajanjian nu Tumpu aijo'.

1 SAMUEL 7:1 ပူးပေါင်းရင်းမြစ်များ

1 TAWARIKH 13:3

Lantas mambamo o'alanto na Peti' Palajanjian nu Tumpu Allah, anu madi'mo kinalesang tempo'nyo i Tomundo' Saul nompalentah.”

MAZMUR 132:6

Kiijo' mae i Betlehem i hongontomo na Peti' Palajanjian, lantas i humpakmo i padang yaar.

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

YOSUA 18:14

Lengkat mae i bungkutnyo aijo' sasu kinsoban potempasan nu tano' aijo' noselemo sasu selatan mompanjolongimo Kiryat-Baal (aijo'mo Kiryat-Yearim). Kiryat-Baal anu nu aha tulunan nu bansa Yehuda. Aijo'mo na potempasan nu tano' sasu kinsoban.

1 SAMUEL 6:21

Lantas aha nonsaimo mian namba hi aha mian nu Kiryat-Yearim ka' nompotun sumo uuka, “Mian nu Filistin nonsule'akonmo mae Peti' Palajanjian nu Tumpu. Tokamo mae ka' boamo na Peti' aijo' hi kajojoongan nu belemiu.”

1 SAMUEL 7:2

Pinin suele na Peti' Palajanjian nu Tumpu aijo' inguna' kiijo' i Kiryat-Yearim, kila-kila inguampulu' na taun. Tempo'nyo aijo' iwi-iwi' na aha mian nu Israel saja'mo nomoita tulung hi Tumpu.