1 SAMUEL 6:5 - KITAB NU TUMPU ALLA LELE MA'IMAI'

⁵ Jadi belemiu tionyo ahi' mombau anu susumo bisun tiba anu susumo bokoti' anu nompoko idekmo lipu' nu belemiu. Tiba jalan anu sumo aijo' belemiu mongadatimo Tumpu Allah nu aha Israel. Ihe na monsumbu' da Ia madi'mo mohukum mae belemiu. Ka' to pilo-pilogot ka' mule' tano' nu belemiu.

1 SAMUEL 6:5 ပူးပေါင်းရင်းမြစ်များ

1 TAWARIKH 16:28

O puji' na Tumpu o manusia! O puji' na katalasanggoan-Nyo ka' kahosonan-Nyo.

1 TAWARIKH 16:29

O puji' na sanggo-Nyo anu talasanggo ka' oboa na koloban i uno nu laigan-Nyo. Osombah na Tumpu, ka' opusok ahi' na baju' anu opusok de monsombahmo.

MAZMUR 18:44

Belento nompobebasmo aku da madi' nupoposia nu aha sa'anakan anu palaganta, ka' nompotimbalimo aku mongkuasai to bansa-bansa; bansa anu madi' ku sumbu' tinimbalimo posaihonku.

MAZMUR 32:4

Sinaa tiba pihi Belento mompeedakon mae aku, o Tumpu hosonku ku oa'i ningkotmo sumomo ahi' anu sinosopmo nu singit anu mapengges hondo

MAZMUR 39:10

Aku nomohokotmo ka' madi'mo nombuka nganga'ku kalana Belento ahi' na nondoke mae aku.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

NOSABATMO 12:12

Pihi aijo' Aku lumajangmo monsongkohi tano' nu Mesir, ka' mompateimo to ana-anak tumpe mo'ane, mau manusia mau pe'e binatang. Ku hukumo na pilogot iwi-iwi' i Mesir, kalana Akumo na Tumpu.

NOSABATMO 8:17

Lantas sinapahanmo i Harun na tano' nu tokonnyo, sahingga iwi-iwi' na abu' i Mesir nongabali'mo tinimbali momot anu nongkampuhimo manusia ka' binatang.

NOSABATMO 8:24

Tumpu nompotokamo mae lalo manjoo' hondo i laigan nu tomundo ka' hi iwi-iwi' na laigan nu to mia-mian anu ko pangkatnyo. Songko-songko na lipu' nu Mesir mongoa'imo hondo sansala kalana lalo haha aijo'.

NOSABATMO 8:5

Tumpu notatae hi Musa, “Pokau na i Harun montangkakon tokonnyo mokiijo' i sasu nu to kau-kaunyo, to sepe-sepe' ka' hi to kola-kolam, da to baha-bahangkak lubat ka' monsongkohi tano' nu Mesir.”

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YESAYA 42:12

Sahanyo aha mongholomatimo Tumpu, ka' mompolelemo Ia iwi-iwi na lipu' anu toto jo'o-jo'on.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YOËL 2:25

Aku mombolosije apa-apaa na kalugi'an nu belemiu i taun taun tempo'nyo kihi kihi' nongkaanmo hasin nu ale' anu opadakmo nu belemiu. Kalana Akumo ahi' na nonsai sampahas na kihi-kihi' haha aijo' namba hi belemiu.

YUNUS 3:9

Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

NOMBILANGMO 33:4

anu hau-haunyo molamun to ana-anak nu aha anu tumpenyo anu pinateanmo nu Tumpu. Tiba jalan anu sumo aijo' Tumpu nomponyata'mo saba' Ia na lebe mahoson molingkudui to pilo-pilogot nu aha Mesir.

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

YOSUA 7:19

I Yosua notataemo hi Akhan, “Anaku, pangakumo ka' poto'imo totu-totu'u aiya i ahop nu Tumpu, Tumpu Allah nu Israel, apaa na anu binaumo nu beleyum. Poto'imo mae hi belengku boli oposuluk.”

ANU PINOTO'I HI YOHANES 11:13

Sahingga tempo'nyo aijo' jinadimo na luulu' daka' hondo. O bagi sampulu' sambahagian na kota aijo' i hansun, ka' popitu' na madala na mian i natemo nu luulu' aijo'. To mia-mian sangga'atannyo aijo' nabuhukmo hondo, lantas aha nompuji'mo katalasanggoan nu Tumpu i suluga'.

ANU PINOTO'I HI YOHANES 14:7

Malaikat aijo' notatae daka-daka', “Pabuhukmo hi Tumpu Allah ka' o puji' na katalasanggoan-Nyo! Kalana tempo'nyomo na Tumpu momputusimo mian. O sombah na Ia anu nompotimbalimo langit, tano', ambai ka' iwi-iwi' na mata nu uee!”

ANU PINOTO'I HI YOHANES 16:9

Mian pinapuanmo nu anu talalo hondo mapanas aijo' sahingga aha nongkutukimo sanggo nu Tumpu, anu mongkuasai balaa' haha aijo'. Mau mule' sumo aitu, aha madi' mongka'oho' da madi'mo lewa' mombau dosa' nu aha, ka' madi'mo mongka'oho' mompuji' katalasanggoan nu Tumpu.

1 SAMUEL 5:11

Kalana aijo' aha nolagamo iwi-iwi' na tomundo' nu aha mian Filistin da mogombu, lantas notatae, “Sule'akon na Peti' Palajanjian nu Tumpu Allah Israel aijo' i pinompo una'an momona da boli opatei na kita tiba to utu-utusto.” I songko-songko na kota' jinadimo na anu okabuhuk hondo kalana Tumpu Allah no hukumo anu jojoong i kiijo' ma'idek hondo.

1 SAMUEL 5:9

Panyo salatan Peti' aijo' tinokamo i kiijo', Tumpu nohukum mule' kota aijo', aijo'mo nombau mule' anu talalo hondo okabuhuk. Anu jojoong i kota aijo' mau anu daagi to ana-anak mau anu to tu'a-tu'anyomo kinonamo nu hukuman bisun i butong nu aha.

1 SAMUEL 6:8

Lapas aijo alamo na Peti' Palajanjian nu Tumpu posake' i loda aijo' ka' potimpas i sohipi'nu peti' ise-ise' anu pinongisian pakakas mosoni' anu tionyo ahi' osombahkon nu belemiu hi Ia salaku bau pontobus dosa' nu belemiu. Ka' pobakas da loda tiba sapi' haha aijo' mosi lumajang.