1 SAMUEL 6:4 - KITAB NU TUMPU ALLA LELE MA'IMAI'

⁴ “Apaa na anu tionyo obee'to bau pontokong aijo' hi aha, pinokilawa nu mian haha aijo'. Imam haha aijo' nontaami?” “Olima' na komponan nu mosoni' otiho susumo bisun ka' olima' mule' na komponan nu mosoni' obau susumo bokoti', sumo konjoo'nyo nu to tomu-tomundo' nu aha Filistin. Temisa' balaa' kinona nu bisun ka' suele bokoti' anu nontuda'imo balaa' belemiu u'utu mae, mau mian da'isan, mau mule suele tomundo'?

1 SAMUEL 6:4 ပူးပေါင်းရင်းမြစ်များ

NOSABATMO 12:35

Aha suele nombaumo apaa na anu pinoto'imo i Musa, aijo'mo momoita mainan mosoni' ka' salaka, ka' baju' nu aha mian Mesir.

YOSUA 13:3

ka' iwi-iwi' na da'erah nu Awi mompatui sasu selatan. (Da'erah nu Kaunyo Sikhor i potempasan tiba Mesir toka-toka i potempasan tiba Ekron i sasu utara, iwi-iwi' aijo' minsoop da'erah bansa nu Kana'an; ka' aha tomundo nu Filistin jinojoong i Gaza, Asdod, Askelon, Gat, ka' Ekron.)

TO MIA-MIAN KOPIAN 14:19

Monti-montiik i Simson nohumpakmo kahosonan kalana kuasa nu Tumpu, lantas ia nambamo i Askelon. Ikiijo' mae ia nompateimo aha tolumpulu' na to momo'ane anu ko baju' nu aha toto ima-ima'. Ingalanyo na baju' nu aha aijo' ka' binee'nyo hi aha tolumpulu' na mian anu nontili'imo tangki-tangki'on aijo'. Lapas aijo' ia ninsusule'mo i laigannyo ka' nompele-pele'mo na kinyonyoanyo.

TO MIA-MIAN KOPIAN 3:3

Aha bansa-bansa anu daagi' jinojoong i lipu' aijo', aijo'mo: bansa anu jojoong i olima' na kota Anu aha mian Filistin, iwi-iwi' na bansa Kana'an, bansa Sidon tiba bansa Hewi anu jojoong i bungkutnyo nu Libanon, lengkat pe'e mae i Bungkutnyo nu Baal-Hermon toka-toka i jalan anu mamba i Hamat.

1 SAMUEL 5:12

To mia-mian anu madi' sinilaka pinahakonamo nu bisun sahingga anu jojoong i kota' aijo' lewa'mo noloboo'i to pilo-pilogot nu aha momoita tulung.

1 SAMUEL 5:6

Lapas aijo' Tumpu nohukummo mian anu jojoong i Asdod tiba daerahnyo iwi-iwi', butong nu aha singkapmo binisulon.

1 SAMUEL 5:9

Panyo salatan Peti' aijo' tinokamo i kiijo', Tumpu nohukum mule' kota aijo', aijo'mo nombau mule' anu talalo hondo okabuhuk. Anu jojoong i kota aijo' mau anu daagi to ana-anak mau anu to tu'a-tu'anyomo kinonamo nu hukuman bisun i butong nu aha.

1 SAMUEL 6:5

Jadi belemiu tionyo ahi' mombau anu susumo bisun tiba anu susumo bokoti' anu nompoko idekmo lipu' nu belemiu. Tiba jalan anu sumo aijo' belemiu mongadatimo Tumpu Allah nu aha Israel. Ihe na monsumbu' da Ia madi'mo mohukum mae belemiu. Ka' to pilo-pilogot ka' mule' tano' nu belemiu.

1 SAMUEL 6:8

Lapas aijo alamo na Peti' Palajanjian nu Tumpu posake' i loda aijo' ka' potimpas i sohipi'nu peti' ise-ise' anu pinongisian pakakas mosoni' anu tionyo ahi' osombahkon nu belemiu hi Ia salaku bau pontobus dosa' nu belemiu. Ka' pobakas da loda tiba sapi' haha aijo' mosi lumajang.