1 SAMUEL 6:17 - KITAB NU TUMPU ALLA LELE MA'IMAI'

^17-18 Sumo aijo' na aha mian nu Filistin nompakatumo hi Tumpu anu osombahkon da bau pontokong dosa' nu mian anu jojoong i kota anu nu palentah nu tomundo' aha olima' aijo'. Kota haha aijo'; aijo'mo: Asdod, Gaza, Askelon, Gad, tiba Ekron. Daagi ko anu ko bentengnyo, daagi ko anu madi' ko bentengnyo. Toto sa'angu' na kota haha aijo' nompakatu sa'angu' na mosoni' susumo bisun tiba sa'angu' na mosoni' anu susumo bokoti' na binau. Sa'angu' na tanda saba' memang totu'u na han aijo', batu daka-daka' anu pinompotimpasan nu aha Peti' Palajanjian nu Tumpu. Sampe sinaa uuka aiya batu aijo' daagi kiijo' hi ale' i Yosua mian nu aha Bet-Semes.

1 SAMUEL 6:17 ပူးပေါင်းရင်းမြစ်များ

2 SAMUEL 1:20

O'amalakon da mian nu aha Gat boli nohongo mae lele haha aijo'. O'amalakon da jalan toto ise-ise' kiijo' i Askelon madi' nohumpak lele aijo'. Dumo boune nu aha Filistin lewa'mo bilahi, dumo boune nu aha mian halipulu talalomo mongaisakon kalame'an.

2 SAMUEL 21:22

Aha opa-opat anu pinateanmo i Daud tiba aha gombuan nu to sul-suludadunyo haha aijo' atina'mo lee' mae nu anu toto daka-daka' hondo kiijo' i Gat.

2 TOMU-TOMUNDO' 1:2

Daagi' kino sansinaan i Tomundo' Ahazia anu nolengkat mae i Israel nanabu'mo aita' mae i salipi' nu laigan nu tomundo' anu kajo-kajojoongannyo kiijo' i Samaria, lantas ia binelaonmo talalo daka' hondo. Sahingga ia nonsaimo mian da'isan da mamba mompokilawa hi Baal-Zebub pilogot nu aha kota Ekron kiijo' i Filistin, pa' ia daagi' ma'alin kabai madi'mo.

2 TAWARIKH 26:6

I Uzia nahampate nongewa mian nu aha Filistin. I hobo'akonnyo na pagan mesen iwi-iwi' nu kota Gat, Yabne, ka' Asdod ka' nombaumo to kota-kota' anu binentengan koko Asdod ka' da'erah sangga'at i Filistin.

IMAMAT 5:7

Panyo de mian anu ko sala'nyo madi' moko ala momposadia domba kabai mee' bau pontobus dosa'nyo, ia tionyo ahi' momboa tomonsi' sapatau lakinyo tiba behenyo kabai tomonsi' malapati' anu daagi' bata'nyo, sa'angu' bau koloban pongampuni dosa' ka' sa'angu' mule' bau koloban anu opotunu.

AMOS 1:6

Tumpu notatae, “Mian anu jojoong i Gaza saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa ka' nompobalukmo da bau botuan hi mian nu Edom.

AMOS 6:2

Lako' mae toa kiijo' i Kalne lantas lajangmo ahi lau-laus mokiijo' i kota' Hamat anu daka' aijo', lapas aitu mokiijo'mo i kota' Gat i Filistin. Ponsangka nu belemiu kota' haha aijo' lebe ma'ima' molingkudui kalaja'an Yehuda tiba Israel? Apaa daerah nu aha lebe daka' molingkudui daerah nu belemiu?

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.

TO MIA-MIAN KOPIAN 1:18

Tumpu nontulungimo aha mian nu Yehuda sahingga aha noko alamo nompatundu' da'erah anu i bungkutnyo. Panyo aha madi' noko ala nompatundu' Gaza, Askelon kabai Ekron, tiba da'erahnyo iwi-iwi' anu ikiijo', kalana bansa haha aijo' jojoong iwi-iwi' i sonibi nu bone' ko kareta bau pahampate besak na binau; kalana aijo' aha mian nu Yehuda madi' noko ala nolaa' aha.

TO MIA-MIAN KOPIAN 14:19

Monti-montiik i Simson nohumpakmo kahosonan kalana kuasa nu Tumpu, lantas ia nambamo i Askelon. Ikiijo' mae ia nompateimo aha tolumpulu' na to momo'ane anu ko baju' nu aha toto ima-ima'. Ingalanyo na baju' nu aha aijo' ka' binee'nyo hi aha tolumpulu' na mian anu nontili'imo tangki-tangki'on aijo'. Lapas aijo' ia ninsusule'mo i laigannyo ka' nompele-pele'mo na kinyonyoanyo.

TO MIA-MIAN KOPIAN 16:1

Daagi' kinosansinaan i Simson nambamo i Gaza. Ikiijo' mae ia siningkabotmo tiba samian na boune anu saja' masala' lantas ia nambamo nale' tiba boune aijo'.

TO MIA-MIAN KOPIAN 16:21

Sahingga ia i hakopmo nu to mia-mian Filistin ka' kinubatakonmo nu aha na matanyo. Binoamo nu aha na ia i Gaza, ka' pinungumo na ia nu lante' tambaga ohua', ka' pinosoopmo i talungku'. Ikiijo' mae i binee'anmo kalaja monggiling.

1 SAMUEL 5:1

Salatan ingagoanmo nu aha mian Filistin na Peti' Palajanjian nu Tumpu Allah, lantas binoamo nu aha lengkat mae i Eben-Heizer namba i kota Asdod.

1 SAMUEL 5:10

Lantas Peti' Palajanjian aijo' binoamo i Ekron kota' sangga'at mule' nu aha mian Filistin. Salatan Peti' aijo' tinokamo i kiijo' anu jojoong i kiijo' lewa'mo, no loboo' aha notatae, “Peti' Palajanjian nu Tumpu Allah Israel aijo' binoamo mae no uuka da opateimo na kita iwi-iwi'.”

1 SAMUEL 5:8

Kalana aijo' aha nomposihukmo oli-olima' na tomundo' nu aha Filistin da sihuk, lantas binasale'mo. “Peti Palajanjian nu Tumpu Allah Israel aijo' oposiantomo?” Tinaaman nu tomundo' haha aijo' “Olalin mokiijo' i kota' Gad.” Jadi Peti' aijo' ilalinmo nokiijo' i kota' Gat, sa'angu'na kota' nu aha Filistin sangga'at.

1 SAMUEL 6:4

“Apaa na anu tionyo obee'to bau pontokong aijo' hi aha, pinokilawa nu mian haha aijo'. Imam haha aijo' nontaami?” “Olima' na komponan nu mosoni' otiho susumo bisun ka' olima' mule' na komponan nu mosoni' obau susumo bokoti', sumo konjoo'nyo nu to tomu-tomundo' nu aha Filistin. Temisa' balaa' kinona nu bisun ka' suele bokoti' anu nontuda'imo balaa' belemiu u'utu mae, mau mian da'isan, mau mule suele tomundo'?