1 SAMUEL 6:11 - KITAB NU TUMPU ALLA LELE MA'IMAI'

¹¹ Lantas Peti' Palajanjian aijo' pinosake'nyomo i loda ka' suele peti' ise-ise' pinongisian mosoni' anu binau susumo bokoti' ka' anu mule' binau susumo bisun.

1 SAMUEL 6:11 ပူးပေါင်းရင်းမြစ်များ

2 SAMUEL 6:3

Peti' Palajanjian aijo' ingalamo hi laigan i Abinadab aita i bungkutnyo ka' pinosake'mo mae i kaleta anu daagi bu'ou. Lantas i Uza tiba i Ahio to ana-anak i Abinadab na nombatuki kaleta aijo'; i Uza ilumajang koko sohipi'nyo,

1 TAWARIKH 13:7

Salatan tinokamo i Baala, ingalamo nu aha na Peti' Palajanjian aijo' hi laigan i Abinadab, lantas pinosake'mo nu aha i loda anu daagi' bu'ou. I Uza ka' i Ahyo na montuntuni loda aijo'.

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.

1 SAMUEL 6:10

Mian haha aijo' nohongo-hongomo; aha nongalamo ohua' na sapi' anu daagi mompo susu lantas pinopasangnyomo i loda, ka' anak nu sapi' haha aijo' pinosoopmo nu aha i pangkunnyo.

1 SAMUEL 6:12

Sapi' haha aijo' ilumajangmo nompanjolongimo Bet-Semes; binatang haha aijo' nolonga'mo ka' ilumajangmo lau-laus, madi' nosele ikowikabai i koanan i jalan daka'. Aha oli-olima' na tomundo' nu mian Filistin aijo' saja'mo nombatuki tinoka-toka i potempasan nu Bet-Semes.

1 SAMUEL 6:4

“Apaa na anu tionyo obee'to bau pontokong aijo' hi aha, pinokilawa nu mian haha aijo'. Imam haha aijo' nontaami?” “Olima' na komponan nu mosoni' otiho susumo bisun ka' olima' mule' na komponan nu mosoni' obau susumo bokoti', sumo konjoo'nyo nu to tomu-tomundo' nu aha Filistin. Temisa' balaa' kinona nu bisun ka' suele bokoti' anu nontuda'imo balaa' belemiu u'utu mae, mau mian da'isan, mau mule suele tomundo'?