1 SAMUEL 5:9 - KITAB NU TUMPU ALLA LELE MA'IMAI'

⁹ Panyo salatan Peti' aijo' tinokamo i kiijo', Tumpu nohukum mule' kota aijo', aijo'mo nombau mule' anu talalo hondo okabuhuk. Anu jojoong i kota aijo' mau anu daagi to ana-anak mau anu to tu'a-tu'anyomo kinonamo nu hukuman bisun i butong nu aha.

1 SAMUEL 5:9 ပူးပေါင်းရင်းမြစ်များ

MAZMUR 78:66

Ia nompahampateakonmo anu nongewamo ia sahingga nopalaimo na aha ka' nompatundu'mo aha sampe toka sidu-sidutu'.

AMOS 5:19

Ka'ada'annyo sumo mian anu mompalaiakon butong da madi' singkabot singa panyo mompahakabotmo ahi' tiba beruang. Kabai susumo mian ninsusule'mo i laigan limanyo nintoong i pagan mesen, lantas sina'umo nu ulo!

PO'ULE' INGULIT 2:15

Tumpu saja'mo nongewa aha sampe ahennyo aha iwi-iwi' sinilakamo.

1 SAMUEL 12:15

Panyo sumo aitu mule' de belemiu madi' mohongo-hongo Tumpu ka' mule' monggagakon palentahNyo, memang belemiu tiba tomundo' nu belemiu nu ewamo nu Tumpu.

1 SAMUEL 5:10

Lantas Peti' Palajanjian aijo' binoamo i Ekron kota' sangga'at mule' nu aha mian Filistin. Salatan Peti' aijo' tinokamo i kiijo' anu jojoong i kiijo' lewa'mo, no loboo' aha notatae, “Peti' Palajanjian nu Tumpu Allah Israel aijo' binoamo mae no uuka da opateimo na kita iwi-iwi'.”

1 SAMUEL 5:11

Kalana aijo' aha nolagamo iwi-iwi' na tomundo' nu aha mian Filistin da mogombu, lantas notatae, “Sule'akon na Peti' Palajanjian nu Tumpu Allah Israel aijo' i pinompo una'an momona da boli opatei na kita tiba to utu-utusto.” I songko-songko na kota' jinadimo na anu okabuhuk hondo kalana Tumpu Allah no hukumo anu jojoong i kiijo' ma'idek hondo.

1 SAMUEL 5:6

Lapas aijo' Tumpu nohukummo mian anu jojoong i Asdod tiba daerahnyo iwi-iwi', butong nu aha singkapmo binisulon.

1 SAMUEL 6:11

Lantas Peti' Palajanjian aijo' pinosake'nyomo i loda ka' suele peti' ise-ise' pinongisian mosoni' anu binau susumo bokoti' ka' anu mule' binau susumo bisun.

1 SAMUEL 7:13

Sumo aijo' na aha mian nu Filistin ihungku'an. Tumpu madi'mo nompobee' aha ninsoop i daerah Israel, tempo'nyo i Samuel daagi tutuu'.